Awala
Awala (mèlek si vala) ìre inu ekitataba ikam esabe ekwut mè ìre ofifi lek inu òkup mmeen̄ mmeen̄ [membrane material] irọ. Awala ìkisa unye eyi efet isa ikọp uji. Uji echi ekisa awala ikọp, kire uji egop, uji ubọk, ujijọn̄ eyi awala, mè ofufi, ke ekigbaan̄ igwen uji awala. Mêkọt isa esese esese inu elọlọk, kire ekwut eyi <canvas>, eyi <polyester>, echi egwookbe agba-aran̄ [laminated] mè ìre ebi kè <filament> egbaan̄be igọm [bonded], isa irọ awala. Ekirọ ema me mbet [shape] òkaan̄ agan̄ ita mè ìre agan̄ ini.
Mêkọt itobo awala me lek ogbugboon̄ [mast] mè ìre olik okwukwut [wire] etobobe me lek ogbugboon̄. Olik iba ekitataba ikat ke ekisa inen̄e ema isun̄ itat. Olik ge okitaba ọmọ inene lek ogbugboon̄ ya, sà ge ke ekisa igwu m̀fọ̀tọ̀ [angle] kan̄ mèlek efet isun̄ me oke òtatat.