Anambira
Anambira (òrere Anambra me ubọk ige-inu eyi Uket-chieen̄) ìre agan̄-mkpulu ge òkup me agan̄ osiki mbum-ura me ido Naijiria. Echili agan̄-mkpulu yi me 27 Ọgọs 1991. <ref4> Agan̄-mkpulu echi òkukup ikana ọmọ ìre Delita me agan̄ ichep-ura, Imo me agan̄ osiki, Enugu me agan̄ mbum-ura, mè Kogi me agan̄ inyọn̄. <ref5>
Sa me etip ònan̄a me lek orirọ ifuk-ene eyi acha 2006, otu-ifuk ebi ìluluk me agan̄-mkpulu yi mîwa iraka efie 4.1. Erom agan̄-mkpulu yi isibi me oka Agan̄-mkpulu Etete agan̄ Mbum-ura. Egwen ọmọ ibak Okwaan̄ Omambala, okwaan̄ òkilibi itibi me emen agan̄-mkpulu yi. Anambra ìre ike ekigwen erieen̄ okwaan̄ ya me otu usem ebi Uket-chieen̄.<ref 7,8> Ama-ibot kan̄ ìre Ọka [Awka], ama-ile òkigwat lek itibi imin eyi otu-ifuk ebi ìluk me emen otibibe imin inan̄a me inu môsobe 300,000 isi ire inu òwawa ìraka efie ene ita me etete acha 2006 mè 2020. Ama-ile Ọnicha, òkore ama mgba-uji akarake emen mgbọ mkpulu usun̄, ìkpọkpọ ikire ebon mbubek òsibi isi me agan̄-mkpulu yi. <ref 9>