Ir al contenido

Trestuque mugant d'a personalidat

De Biquipedia
Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.

O trestuque mugant de personalidat (abreviau como TMP), tamién dito uegant, muga, uega u limite, ye definiu per o Manual diagnostico y estatistico d'os trestuques mentals como un trestuque de personalidat caracterizau per un patrón cheneralizau de luenga durada d'inestabilidat significativa en as relacions interpersonals, un autoconcepto distorsionau y bellas respuestas emocionals intensas.[1][2][3] Os individuos diagnosticaus con trestuque mugant de personalidat a ormino amuestran de conductas autolesivas y s'embrecan en actividaz arriscadas, prencipalment debiu a los contornillos que tienen ta regular os suyos estaus emocionals enta una linia alazetal estable y prebant.[4][5][6] Simptomas como a disociación -un sentimiento de deseparación d'a realidat-, a sensación cheneralizada de vueito y una medrana aguda ta l'albandono prevalen entre os afectaus.[2]

L'enchegue d'os simptomas d'o trestuque mugant d'a personalidat puet estar desencadenau per esdevenimientos que otris pueden sentir como normals,[2] manifestando-se tipicamente iste trestuque en l'adultez temprana y no reblando per diversos contextos.[1] O trestuque mugant d'a personalidat aduz de comorbilidaz con trestuque per consumo de substancias,[7] trestuques d'abatimiento y trestuques d'a conducta alimentaria.[2] O trestuque mugant d'a personalidat s'asocia con un abundant risque de suicidio.[1][2] Se precia que entre lo 8 y 10 per ciento d'os individuos con trestuque mugant d'a personalidat mueren suicidando-se, estando los hombres afectaus o dople que las mullers.[8] A tamas d'a suya gravedat, o trestuque mugant d'a personalidat concara una estigmatización significativa tanto en o suyo tractamiento en os medios de comunicación como aintro d'a demba d'a Psiquiatría, o que puet adugar enta un subdiagnostico.[9]

As causas d'o trestuque mugant d'a personalidat son complexas y poco claras, embolicando-ne de condicions cheneticas, neurolochicas y psicosocials en o suyo desembolique.[2][10] A predisposición chenetica bi ye platera, feito que iste trestuque ye significativament mas común en personas con un historial familiar de trestuque mugant, especialment si iste se da entre parients immediatos.[2] Tamién se son proposaus factors psicolochicos, particularment as experiencias infantils adversas.[11] Neurolochicament, o mecanismo subchacent sembla embrecar o rete neuronal frontolimbico d'o sistema limbico[11] O Manual diagnostico y estatistico d'os trestuques mentals (DSM per as suyas siglas en anglés) estaunidense clasifica lo trestuque mugant d'a personalidat como un trestuque de personalidat drento d'a catupla B, ensemble con os trestuques antisocial, histrionico y narcisista de personalidat.[1] O trestuque mugant d'a personalidat presenta comunment un chicot risque de diagnostico erronio con un trestuque de l'estau d'animo, un trestuque per consumo de substancias u atros trestuques de salut mental.[1]

Entre as intervencions terapeuticas ta lo trestuque mugant d'a personalidat se troba la psicoterapia, estando a terapia cognitivo conductual y a terapia dialectica conductual as modalidaz mas efectivas.[2] Ista psicoterapia puet levar-se a fin tanto individualment como a bandadas.[2] Encara que a farmacoterapia no cura pas iste trestuque, se puet fa servir ista ta mitigar os simptomas asociaus,[2] estando los antidepresivos quetiapina y l'inhibidor selectivo d'a recaptación de serotonina a ormino prescritos maguer que lur eficacia agún no ye clara. Un metanalís de 2020 trobó que l'uso de medicación encara no yera estau refirmau per a evidencia.[12] En casos grieus, l'hespitalización ye menester, encara que siga nomás per periodos curtos.[2]

O trestuque mugant d'a personalidat tien una prevalencia puntual de 1,6% y una prevalencia de periodo de 5,9% d'a población total,[1][2][13] [14], estando a taxa d'incidencia entre as mullers tres vegadas mayor en l'ambito clinico en comparanza con a d'os hombres.[1][13] A tamás d'o gran emplego de recursos sanitarios ta par d'as personas qui sofren iste trestuque,[15] dica la metat puet amostrar una millora significativa en un periodo de diez anyadas con o tractamiento apropiau.[1] O nombre de mugant ye obchecto d'un debat en corrient. En primeras, iste adchectivo reflexaba las ideas historicas de varrenadura mugant y dimpuesas pasó a describir a os pacients mugants entre a neurosi y a psicosi, interpretacions istas vistas agora como obsoletas y clinicament imprecisas.[2][16]

Sinyals y simptomas

[editar | modificar o codigo]
Uno d'os simptomas d'o trestuque mugant de personalidat ye una intensa medrana a albandono emocional.

O trestuque mugant de personalidat, seguntes a suya descripción per o DSM-5, se manifiesta per nueu simptomas distinctos, que lo suyo diagnostico en requier, a lo menos, cinco d'os siguients criterios ta confiermar-se:

  • 1. Esfuerzos freneticos ta evitar un albandono emocional tanto real como imachinario.[17]
  • 2. Relacions interpersonals instables y caoticas, a ormino caracterizadas per un patrón alternant entre a idealización y esvalguadura extremas, tamién dito "clivache".
  • 3. Un sentiu a-saber-lo trestucau d'a personalidat asinas como una autoimachen distorsionada.[2]
  • 4. Conductas rebatosas y imprudents, como gastos esbarrancaus, practicas sexuals de risque, trestuque en l'uso de substancias, conducción imprudent y fartadas de minchar.[18]
  • 5. Ideación suicida recurrent u conductas relacionadas con l'autolesión.
  • 6. Disregulación emocional intensa muito voluble.
  • 7. Sentimientos cronicos de vueito.
  • 8. Carranya inapropiada y intensa difícil de controlar.
  • 9. Ideación paranoide transitoria relacionada con l'estrés u grieus simptomas disociativos.

Entre as caracteristicas distinctivas d'o trestuque mugant de personalidat, se troba un patrón cheneralizau d'instabilidat en as relacions interpersonals d'o subchecto y en l'autoimachen d'el, con un bandiamiento frecuent entre estrimos d'idealización y esvalguadura d'os otris, ensemble con constants cambios d'humor y dificultaz ta reglar reaccions emocionals intensas. A ormino tamién s'asocian as conductas periglosas u rebatosas con iste trestuque.

Entre atros simptomas, i pueden aparixer a incertidumbre sobre a propia identidat, valors, moralidat y creyencias; a experiencia de pensamientos paranoides baixo estrés; episodios de despersonalización; y, en casos amoderaus y grieus, rupturas con a realidat u episodios de psicosi indueitos per l'estrés. Tamién ye común ta qui padeixen o trestuque mugant d'a personalidat presentar-ne de comorbilidaz como trestuques depresivos u bipolars, trestuques d'uso de substancia, trestuques d'a conducta alimentaria, trestuque per estrés postraumatico y trestuque per déficit de ficacio y hiperactividat.[19]

Referencias

[editar | modificar o codigo]
  1. ↑ 1,0 1,1 1,2 1,3 1,4 1,5 1,6 1,7 (en) American Psychiatric Association: Diagnostic and Statistical Manual of Mental Disorders (5ena ed.), American Psychiatric Publishing, 2013. ISBN 978-0-89042-555-8.
  2. ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 (en) Borderline Personality Disorder. NIMH, Archivau de l'orichinal o 22 de marzo de 2016. Consultau lo 6 d'abril de 2024.
  3. ↑ (en) Al Chapman AL: Borderline personality disorder and emotion dysregulatio, en Development and Psychopathology. 31 (3). Cambridge University Press, agosto de 2019, 1143–1156. doi:10.1017/S0954579419000658. PMID 31169118. S2CID 174813414., Archivau de l'orichinal o 22 de marzo de 2016. Consultau lo 6 d'abril de 2024.
  4. ↑ (en) P. Bozzatello, P. Rocca, L. Baldassarri, M. Bosia y S. Bellino: The Role of Trauma in Early Onset Borderline Personality Disorder: A Biopsychosocial Perspective, en Frontiers in Psychiatry, 12, 23 de setiembre de 2021, 721361. doi:10.3389/fpsyt.2021.721361. PMC 8495240. PMID 34630181.
  5. ↑ (en) N. Cattane, R. Rossi, M. Lanfredi y A. Cattaneo: Borderline personality disorder and childhood trauma: exploring the affected biological systems and mechanisms, en BMC Psychiatry, 17 (1), chunio de 2017, 221. doi:10.1186/s12888-017-1383-2. PMC 5472954. PMID 28619017.
  6. ↑ (en) Borderline Personality Disorder. The National Institute of Mental Health. Aviento de 2017. Archivau de l'orichinal o 29 de marzo de 2023. "Atras sinyals u simptomas en pueden incluyir (...) de conductas rebatosas y a ormino periglosas (...) de conductas autolesivas (...). O trestuque mugant d'a personalidat tamién s'asocia con un significativament mayor index d'autolesions y conducta suicida que a población cheneral".
  7. ↑ (en) AC. Helle, AL Watts, TJ Trull y KJ. Sher: Alcohol Use Disorder and Antisocial and Borderline Personality Disorders, en Alcohol Research: Current Reviews. 40, 2019. (1): arcr.v40.1.05. doi:10.35946/arcr.v40.1.05. PMC 6927749. PMID 31886107.
  8. ↑ J. Kreisman, H. Strauss: Sometimes I Act Crazy. Living With Borderline Personality Disorder, Wiley & Sons, 2004, p. 206. ISBN 978-0-471-22286-6.
  9. ↑ (en) RB Aviram, BS Brodsky y B. Stanley: Borderline personality disorder, stigma, and treatment implications, en Harvard Review of Psychiatry. 14, 2006. (5): 249–256. doi:10.1080/10673220600975121. PMID 16990170. S2CID 23923078.
  10. ↑ (en) Clinical Practice Guideline for the Management of Borderline Personality Disorder. Melbourne: National Health and Medical Research Council. 2013. pp. 40–41. ISBN 978-1-86496-564-3. "Antimás d'as prebas identificadas per a visura sistematica, o Comité tamién consideró a visura procedent d'a recient narrativa sobre os estudios que han avalurau factors biolochicos y medioambientals como risque potencial ta lo trestuque mugant d'a personalidat (incluyius os estudios prospectivos de ninos y adolescents y os estudios de chóvens con trestuque mugant d'a personalidat)".
  11. ↑ 11,0 11,1 (en) Leichsenring F, Leibing E, Kruse J, New AS, Leweke F (chinero de 2011). "Borderline personality disorder". The Lancet. 377 (9759): 74–84. doi:10.1016/s0140-6736(10)61422-5. PMID 21195251. S2CID 17051114.
  12. ↑ Stoffers-Winterling J, Storebø OJ, Lieb K (2020). "Pharmacotherapy for Borderline Personality Disorder: an Update of Published, Unpublished and Ongoing Studies" (PDF en anglés). Current Psychiatry Reports. 22 (37): 37. doi:10.1007/s11920-020-01164-1. PMC 7275094. PMID 32504127. PDF archivau de l'orichinal o 4 de mayo de 2022. Consultau l'1 de setiembre de 2024.
  13. ↑ 13,0 13,1 (en) "Borderline personality disorder: Epidemiology, pathogenesis, clinical features, course, assessment, and diagnosis". UpToDate. Wolters Kluwer. Archivau de l'orichinal o 6 de chinero de 2009. Consultau l'1 de setiembre de 2024.
  14. ↑ (en) "NIMH " Personality Disorders". nimh.nih.gov. [1] de l'orichinal o 18 de chunio de 2022. Consultau l'1 de setiembre de 2024.
  15. ↑ (en) Bourke J, Murphy A, Flynn D, Kells M, Joyce M, Hurley J (setiembre de 2021). "Borderline personality disorder: resource utilisation costs in Ireland". Irish Journal of Psychological Medicine. 38 (3): 169–176. doi:10.1017/ipm.2018.30. hdl:10468/7005. PMID 34465404.
  16. ↑ (en) Gunderson JG (mayo de 2009). "Borderline personality disorder: ontogeny of a diagnosis". The American Journal of Psychiatry. 166 (5): 530–539. doi:10.1176/appi.ajp.2009.08121825. PMC 3145201. PMID 19411380.
  17. ↑ (en) Fertuck EA, Fischer S, Beeney J (December 2018). "Social Cognition and Borderline Personality Disorder: Splitting and Trust Impairment Findings". The Psychiatric Clinics of North America. 41 (4): 613–632. doi:10.1016/j.psc.2018.07.003. PMID 30447728. S2CID 53948600.
  18. ↑ (en) "Diagnostic criteria for 301.83 Borderline Personality Disorder – Behavenet". behavenet.com. Archivau de l'orichinal o 28 de marzo de 2019. Consultau lo 22 d'aborral de 2024.
  19. ↑ {{en]}} DSM-5 Task Force (2013). Diagnostic and Statistical Manual of Mental Disorders: DSM-5. Asociación Psiquiatrica Estaunidense. ISBN 978-0-89042-554-1. OCLC 863153409. Archivau de l'orichinal o 4 d'aviento de 2020. Consultau o 22 d'aborral de 2024.

Vinclos externos

[editar | modificar o codigo]
Obteniu de "https://an.wikipedia.org/w/index.php?title=Trestuque_mugant_d%27a_personalidat&oldid=2227852"