Chubileu chudiego

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O chubileu chudiego se celebra cada cincuanta anyatas. Esta palabra vien d'o hebreu chobel, que significa cuerno de masclo, porque se feba servir este cuerno pa anunciar l'anyo de lo chubileu.

Este anyo sabatico en o que se descansaba, se posaban os esclavos en libertat.

Tamién se restituiban as posesions que s'heban comprato.

Se charra d'ixo en o capitol XXV d'o Levitico. N'este libro s'ordena a los chudigos contar siet semanas d'anyos, ye dicir, siet vegatas siet, que fa cuaranta y nueu anyatas.

Santificar o cincuanta en o que debeba cadagún tornar a entrar en posesión d'o suyo cabal y familia.

No se sape exacto si ixe chubileu yera cuaranta y nueu u cincuanta, pero as compras que se feban entre os chodigos no yeran pa cutio, yeran dica l'anyo d'o chubileu y los agricultors descansaban pus yera prohibito cautivar u sembrar a tierra.

Os chodígos observoron esta practica con muita exactitut dica o suyo cativero en Babilonia pero no la siguioron dimpués como notan os doctors en o Talmud, qui aseguran que no i habió mes chubileus en ixas envueltas d'o segundo temple.

Manimenos R. Moises fillo de Maimon asegura en o suyo compendio d'o Talmud que os chodigos an continuato siempre on os suyos chubileus porque esta traza de contar lis serviba pa acotraciar los suyos anyos y pa a celebración de bellas festividaz.

• Datos: Q1194545