Victorien Sardou

Dr Victorien Sardou (* 5. Septämber 1831 z Bariis; † 8. Novämber 1908 z Bariis) isch e franzöösische Dramatiker gsi.

Für verschidnigi Bariiser Theater het dr Sardou e Hufe historischi Draamene, Komödie und Libretti für Opere und Operette gschriibe. Er het under anderem für e Camille Saint-Saëns und Jacques Offenbach gschafft. Mä het em immer wider dr Vorwurf vom Blagiaat gmacht.

1877 isch er Mitgliid vo dr Académie française worde.

Vo dr gröösste Bedütig us hütiger Sicht isch si Drama La Tosca us em Joor 1887. Dr italiänischi Komponist Giacomo Puccini het scho 1889 draa dänkt, us em Sardou sim Drama en Opere z mache. Aber erst 1898 hät sich dr Puccini und dr Sardou z Bariis droffe. Zämme mit de Librettiste Giuseppe Giacosa und Luigi Illica het dr Puccini d Opere Tosca gschriibe, wo am 14. Januar 1900 z Rom urufgfüert worde isch.

Wärk (Uswaal)

La Tosca
Madame Sans-Gene

Litratur

Giacomo Puccini (Komponist), Kurt Pahlen (Hrsg.): Tosca. Textbuch italienisch-deutsch (Opern der Welt). Atlantis-Musikverlag, Mainz 2001, ISBN 3-254-08014-9.