Richard Bäuerle

Dr Richard „Ritschi“ Bäuerle (* 18. Novämber 1923 z Ämmedinge; † 9. Juni 2019) isch e dytsche Beck, Konditor, Dialäktautor un Fasnetler gsii.

Lääbe

Dr Bäuerle isch z Ämmedinge uf d Wält chuu un ufgwagse. No dr Schuel het er e Lehr as Beck gmacht un isch druf zum Arbetsdienscht yyzoge wore. Im Zweete Wältchrieg isch er as Soldat z Russland (Stalingrad) un z Frankrych yygsetzt gsii un viermol verwundet wore. Anne 1947 het er z Halle an der Saale dr Maischter as Beck gmacht un isch im Johr druf in sy Haimetstadt returchuu. Anne 1956 isch er uf Lozärn in dr Schwyz un het dert Konditor glehrt. Är isch wider retuur uf Ämmedinge un het do bis 1984 as Beck un Konditor gschafft, 24 Johr lang het er mit syne Darte d Gescht im Mühlencafé z Dänzlinge verwehnt. Anne 2013 isch dr Bäuerle mit em yserne Maischterbrief vu dr Bäckerinnung gehrt wore.

Bi dr Ämmedinger Fasnet het er si speteri Frau Gerda chännegleert. Si hän im Septämber 1958 ghyrote un zäme ne Suhn, Ralf, ghaa. Anne 2018 hän si no chenne Diamanteni Hochzyt fyre.

Är het si langi Johr, vu 1868 bis 2009, fir d Ämmedinger Fasnet engaschiert, as Laiter vu dr Fasnetsumziig, as Bitteme-Redner un Autoir vu dr Narrezytig, un as Oberzumftmaischter (ab 1983) un Mitglid im Elferrot vu dr Ämmedinger Fasnetgsellschaft (EFG), zletscht as Ehrenoberzumftmaischter. Dr Bäuerle het d Lyt welle zum Lache bringe un eso het au au zwai Biechli uusegee mit Witz un Anekdote uf Alemannisch.

Schrifte

D´r Witzbold. Mundartgedichte. Emmendingen 2001
D´r Witzbold. Band 2. Witziges zämmetrait un greimt in alemannischer Mundart. Mundartgedichte. Emmendingen 2005

Weblinks

Druuraazaig in dr Badische Zytig, 12. Juni 2019
Dieter Erggelet: Ein Vorhang als erstes Häs, Badische Zeitung, 18. Novämber 2013
Gerhard Walser: Trauer um Richard Bäuerle, eine Legende der Emmendinger Fasnet, Badische Zeitung, 12. Juni 2019
Richard ("Ritschi") Bäuerle feierte heute seinen 95. Geburtstag - Weggefährten der "Fasnachts-Legende" gratulierten, regiotrends.de, 18. Novämber 2018
Sylvia-Karina Jahn: Die Menschen zum Lachen bringen, Badische Zeitung, 26. Juli 2005