Christian Heinrich Friedrich Peters
| (72) Feronia | 29. Mai 1861 |
| (75) Eurydike | 22. September 1862 |
| (77) Frigga | 12. November 1862 |
| (85) Io | 19. September 1865 |
| (88) Thisbe | 15. Juni 1866 |
| (92) Undina | 7. Juli 1867 |
| (98) Ianthe | 18. April 1868 |
| (102) Miriam | 22. August 1868 |
| (109) Felicitas | 9. Oktober 1869 |
| (111) Ate | 14. August 1870 |
| (112) Iphigenia | 19. September 1870 |
| (114) Kassandra | 23. July 1871 |
| (116) Sirona | 8. September 1871 |
| (122) Gerda | 31. Juli 1872 |
| (123) Brunhild | 31. Juli 1872 |
| (124) Alkeste | 23. August 1872 |
| (129) Antigone | 5. Februar 1873 |
| (130) Elektra | 17. Februar 1873 |
| (131) Vala | 24. Mai 1873 |
| (135) Hertha | 18. Februar 1874 |
| (144) Vibilia | 3. Juni 1875 |
| (145) Adeona | 3. Juni 1875 |
| (160) Una | 20. Februar 1876 |
| (165) Loreley | 9. August 1876 |
| (166) Rhodope | 15. August 1876 |
| (167) Urda | 28. August 1876 |
| (176) Iduna | 14. Oktober 1877 |
| (185) Eunike | 1. März 1878 |
| (188) Menippe | 18. Juni 1878 |
| (189) Phthia | 9. September 1878 |
| (190) Ismene | 22. September 1878 |
| (191) Kolga | 30. September 1878 |
| (194) Prokne | 21. März 1879 |
| (196) Philomela | 14. Mai 1879 |
| (199) Byblis | 9. Juli 1879 |
| (200) Dynamene | 27. Juli 1879 |
| (202) Chryseïs | 11. September 1879 |
| (203) Pompeja | 25. September 1879 |
| (206) Hersilia | 13. Oktober 1879 |
| (209) Dido | 22. Oktober 1879 |
| (213) Lilaea | 16. Februar 1880 |
| (234) Barbara | 12. August 1883 |
| (249) Ilse | 16. August 1885 |
| (259) Aletheia | 28. Juni 1886 |
| (261) Prymno | 31. Oktober 1886 |
| (264) Libussa | 22. Dezember 1886 |
| (270) Anahita | 8. Oktober 1887 |
| (287) Nephthys | 25. August 1889 |
| Dialäkt: Markgräflerisch (Ebringe) |
Dr Christian Heinrich Friedrich Peters (* 19. September 1813 in Koldenbüttel, Schleswig-Holstei; † 18. Juli 1890 in Clinton, New York) isch e dytsch-amerikanische Astronom gsi.
Dr Peters het Astronomi un Mathematik bim J. F. Encke an dr Berliner Humboldt-Universität studiert un nooch sinere Promotion as Assistent vum Mathematiker Carl Friedrich Gauß in Göttinge gschafft.
Zämme mit em Geolog Sartorius von Walterhausen het er e Exkursion nooch Sizilie undernumme un Undersuechige vum Vulkan Ätna durgfüehrt.
Später het er am Observatorium vu Capodimonte in Neapel gschafft, wo er Beobachtige vu Sunneflecke durgfüehrt het 1846 e sehr liechtschwache Komet (1846 VI) entdeckt het. Wil aber die vu ihm durgfüehrte Bahnbestimmige urichtig gsi sin, het dr Komet erst anno 1982 wiider entdeckt werre chänne.
Wäge politische Uruehe het dr Peters 1849 nooch Frankriich flüchte müesse. Von dert us isch er middellos nooch Konstantinopel (hüt Istanbul gange). Ufgrund vu sine sehr guete Sprochchenntnisse - dr Peters het usser mehrere europäische Sprooche au Altgrichisch, Latinisch, Hebräisch, Arabisch, Persisch un Türkisch beherrscht - isch er zum wisseschaftliche Beroter vun Reshid Pascha worre, dem Grosswesir vum Sultan Mejid II.
Uf Aregig vum amerikanische Botschafter im Osmanische Riich un usgstattet mit eme Empfähligsschribe vum Alexander von Humboldt isch dr Peters anno 1854 in d'USA gange. Er het s'Observatorium vu dr Harvard Universität ufgsuecht un het dert uf eme Treffe vu dr American Association for the Advancement of Science in Providence, Rhode Island, iber sini Sunnebeobachtige referiert. Dr Peters het d'Asicht verträtte, dass uf dr Sunne gwaltigi elektrische Stürm vorherrsche. Doryber nus het er beobachtet gha, dass sich d'Sunneflecke nit nur infolg vu dr Rotation in äquatorialer Richtig, sundern au langsam entlang vu dr Längegrade bewege.
In dr Folgezitt het dr Peters e Astellig am Dudley Observatorium z'Albany, New York erhalde. Dert het er am 25. Juli 1857 e wittere Komet entdeckt. Sälli Astellig isch allerdings schlecht zahlt gsi un es isch permanent zue Ribereie zwische dr Wisseschaftler un dr Geldgäber vum Institut chumme.
Anno 1859 dr Peter d'Stelle vume Professor fer Astronomi am Hamilton College in Clinton, New York, agnu. S'Institut het iber e nöi errichtets Observatorium mit eme 13 ½ Zoll-Refraktor verfüegt, wo sinerzitt eins vu dr grösste Teleskope vu Amerika gsi isch. D'Astronomi het aber zue sällere Zitt kei hoche Stellewert in dr Staate gha un so isch au sälli Stell schlecht zahlt gsi un dr Peters het witterhi am Existenzminimum gläbt. Sini in sällere Zitt durgfüehrte Beobachtige vu dr Sunneflecke sin erst nooch sinem Dod veröffetlicht worre.
Wie dr Peters anno 1861 dr Asteroid (72) Feronia entdeckt het, isch d'Fachwelt wiider uf ihn ufmerksam worre. Dr Peters het eigetlich dr Asteroid (66) Maja gsuecht, wo zuvor vum H. P. Tuttle entdeckt worre isch. In dr folgende Johre isch ihm d'Entdeckig vu insgsamt 48 Asteroide glunge. Numme dr Rekordentdecker Johann Palisa isch uf sällem Gebit erfolgriicher gsi.
Dr Christian Heinrich Friedrich Peters isch am 19. Juli 1890 in Clinton gstorbe.
Weblink
[ändere | Quälltäxt bearbeite]
|
Dä Artikel basiert uff ere fräie Übersetzig vum Artikel „Christian_Heinrich_Friedrich_Peters“ vu de dütsche Wikipedia. E Liste vu de Autore un Versione isch do z finde. |