Aschkenasim
Aschkenasim (hebräisch אַשְׁכֲּנָזִים, Blural vo Aschkenasi, oder Jehudi Aschkenas (יְהוּדֵי אַשְׁכֲּנָז), dütsch aschkenasischi Juude, wörtlig „dütschi Juude“) isch d Bezäichnig für die Juude, wo d Vorfaare von ene im Middelalter in Öiropa grösstedäils nördlig vo de Alpe, im Rhiiland, im Norde vo Frankriich und vo Italie, z Ängland und spööter in Middel- und Ostöiropa gläbt häi. Die aschkenasische Juude häi gmäinsaami religiöösi Dradizioone, wo sä vo de sefardische Juude underschäide, und früener e gmäinsaami Sprooch ghaa, s Jiddische. Vom 16. Joorhundert aa het sich s aschkenasische Juudedum in e dütschs und e ostöiropäischs Juudedum däilt.
Dr Naame Aschkenasim chunnt vo dr mittelalterlige Bezäichnig für Dütschland, Aschkenas (hebräisch אַשְׁכֲּנָז), wo in dr hebräische Bible (Genesis 10,3 und 1 Chronik 1,6) dr Naame vom e Soon vom Gomer gsi isch, eme Änkel vom Japhet und Uränkel vom Noach und wo s Volk von em in dr Nööchi vom Bärg Ararat verortet worden isch.[1]
D Zaal vo de aschkenasische Juuden im 11. Joorhundert wird uf 20'000 gschetzt,[2] Am Aafang vom 21. Joorhundert het s öbbe 8.5 Millioone Aschkenasim gee und si häi d Meerhäit vo de Juude uf dr ganze Wält usgmacht.[3]
Liddratuur
[ändere | Quälltäxt bearbeite]- Fritz Reuter: Warmaisa. 1000 Jahre Juden in Worms. 2. Uflaag. Jüdischer Verlag bei Athenäum, Frankfurt am Main 1987, ISBN 3-610-00405-3. Uszüüg drus onläin
Weblingg
[ändere | Quälltäxt bearbeite]- Ashkenaz. In: Encyclopaedia Judaica, 2. Band, 2. Uflag, Macmillan Reference USA, Detroit. 2007, S. 569-571, abgruefen am 25. Oktober 2011 (änglisch).
- Ulrich Dewald: Vier Mütter mit Millionen Kindern. Bild der Wissenschaft, 17. Januar 2006.
- Gerd Mentgen: Gelobt und gepriesen vor allen Gemeinden des Reichs. Die Juden in den SCHUM-Gemeinden Speyer, Worms und Mainz In: DAMALS. 12, 2004, S. 36–41.
- Magenza, das jüdische Mainz auf mainz.de
- Lemma Aschkenase / Aschkenasim im Glossar vo de Stiftung gegen Rassismus und Antisemitismus
Fuessnoote
[ändere | Quälltäxt bearbeite]- ↑ Ivan G. Marcus: Ashkenaz. In: The YIVO Encyclopedia of Jews in Eastern Europe. Abgruefen am 25. Oktober 2011 (änglisch).
- ↑ Ashkenazi Jews. HUGR, The Hebrew University of Jerusalem, abgruefen am 25. Oktober 2011 (änglisch).
- ↑ Doron Behar et al.: The Matrilineal Ancestry of Ashkenazi Jewry: Portrait of a Recent Founder Event. In: American Journal of Human Genetics. Abgruefen am 25. Oktober 2011 (änglisch).
|
Dä Artikel basiert uff ere fräie Übersetzig vum Artikel „Aschkenasim“ vu de dütsche Wikipedia. E Liste vu de Autore un Versione isch do z finde. |