Ϙ

S Koppa oder Qoppa (Ϙ; ϙ) isch de zweit K-Luut, wu urspringlich im griechische Alphabet enthalte gsi isch (zwische p un r).

Im Phönizische Alphabet het de Buechstab Qof gheise un isch s'Zeiche firs Kehl-K (IPA: /q/) gsi. Im Griechische ischs urspringlich fir de "K"-Luut vor /o/ un /u/ verwendet worre. S isch später durch Kappa ersetzt worre un fehlt im klassische Griechisch.

Koppa wird no als Zahlzeiche fir 90 in Ufzählunge bruucht, in dere Roll abr mit 'ra gonz ondre Glyph gschriebe: Ϟ ϟ (Unicode U+03DE un U+03DF).

D Latiner hen s Q-Zeiche noch (iber Vermittlung vun de Etrusker) usm alte Altgriechisch ibernumme un hen des Zeiche fir d Buechstabekombination QV (=QU) fir d gsprocheni Luutfolg [kw] gnumme. Wil s Zeiche V glichzitig de Vokal /u/ un de Konsonante /w/ doogstellt het, hets gsprocheni kw (= gschribe "QV") vum gschprochene ku (= gschribe "CV") unterschide werre miesse.

Im Ditsche un vili ondre Sproche mit latinischer Schrift wird "QU" bis hit fir [kw] vowendet, un so isch de Buechstab "Q" im Alphabet erhalte bliebe.

Lueg au: Koph