Gaan na inhoud

Z (militêre simbool)

in Wikipedia, die vrye ensiklopedie
"Z"-simbool
"Z"-simbool in vierkant
"V"-simbool
"O"-simbool
Vier van die simbole wat die Russiese weermag gebruik gedurende die inval in Oekraïne.

"Z" is een van verskeie simbole wat geverf is op Russiese militêre voertuie wat in die Russiese inval van 2022 in Oekraïne gebruik word (en as gevolg daarvan die bynaam "Z-karre" het).

Die simbool word in die Russiese kultuur gebruik as 'n teken van ondersteuning van die inval. Die vertoning van enige van dié simbole is onwettig in Kasakstan.[1][2]

Simbole

[wysig | wysig bron]

Volgens die gewapende magte van Oekraïne word die volgende simbole gedurende die inval vertoon, met die ooreenkomstige betekenisse:[3]

  • Z: Russiese magte van die Oostelike Militêre Distrik
  • Z (in vierkant): Russiese magte van die Krim
  • O: Magte van Belarus
  • V: Vlootmagte
  • X: Magte van Tsjetsjnië
  • A: Spesiale magte

Die inval word algemeen "Operasie Z" genoem na aanleiding van die "Z"-simbool.[4] Dit is opmerklik dat die simbool in die vorm van die Latynse letter Z is en nie die Cyrilliese letter З nie.[5]

Betekenis

[wysig | wysig bron]

Op Instagram het die Russiese departement van verdediging gesê die "Z"-simbool is 'n afkorting van die frase "vir die oorwinning" (Russies: за победу, za pobjedoe),[6] terwyl die "V"-simbool staan vir "ons krag lê in die waarheid" (сила в правде, sila w prawde) en "die taak sal voltooi word" (задача будет выполнена, zadatsja boedet wipolnena).[7][8]

Gebruik

[wysig | wysig bron]

Militêre gebruik

[wysig | wysig bron]

Sommige militêre kenners het die hipotese geopper dat die simbole gebruik word as identifisering om "eie vuur" te voorkom en het dit vergelyk met invalstrepe wat in die Tweede Wêreldoorlog in die inval van Normandië gebruik is.[9][10] Ander kenners glo die merke word gebruik om verskillende taakmagte van mekaar te onderskei; hulle vertel waarheen die eenheid op pad is.[11]

Simbool ten gunste van oorlog

[wysig | wysig bron]

Die "Z" is al deur burgerlikes wat ten gunste van Poetin en die Russiese inval is, gebruik as 'n simbool van ondersteuning vir die inval.[12][13] Telegram-kanale wat die Kremlin steun, gebruik sedert die begin van die inval die letter "Z" in hulle name.[14] Die Russies beheerde uitsaaidiens RT het artikels verkoop met die simbool op as 'n teken van steun vir die Russiese magte, terwyl plaaslike owerhede in verskeie dele van Rusland blitsskares georganiseer het wat die inval steun en deur wie die simbool gebruik is.[15]

Kamil Galeev van die Amerikaanse Woodrow Wilson International Center for Scholars het gesê "die simbool, wat net enkele dae tevore uitgevind is, het 'n simbool geword van die nuwe Russiese ideologie en nasionale identiteit".[16] Sommige kritici het die "Z" as 'n variant van Nazisimbolisme beskryf,[17][18] terwyl verskeie dreunsange wat met "Z" begin, ooreenkomste toon met dié van die Nazi's.[19] Die Oekraïense minister van verdediging, Oleksi Reznikof, het die gebruik van die "Z"-simbool op 7 Maart veroordeel en gesê dit herinner aan die naam van die Station Z-gaskamer van die Sachsenhausen-konsentrasiekamp.[20]

Geskiedenis

[wysig | wysig bron]

Russiese voertuie aan die grens tussen Rusland en Oekraïne het in die weke voor die inval die "Z"-simbool vertoon.[21] Gedurende die Slag van Charkif het plaaslike inwoners "Z"-simbole gebruik om Russiese voertuie te identifiseer en hulle ligging op Telegram te volg.[22]

Terwyl die Russiese gimnas Ivan Kuliak tydens die inval aan die Internasionale Gimnastiekfederasie (FIG) se 2022-wêreldbyeenkoms vir artistiese gimnastiek deelgeneem het, het hy 'n hemp gedra waarop die "Z"-simbool vasgeplak was terwyl hy langs die Oekraïense gimas Illia Kovtun op die podium gestaan het. Kovtun het die goue medalje gewen en Kuliak brons. Die FIG het Kuliak se optrede as "skokkende gedrag" beskryf en gesê dit sal tugstappe teen hom aanvra by die Etiese Stigting vir Gimnastiek. Op 7 Maart het die FIG Russiese en Belarussiese gimnaste en beamptes verbied om aan sy kompetisies deel te neem.[23][24]

Verwysings

[wysig | wysig bron]
  1. ↑ "Автомобили с буквой Z замечены в Уральске и Шымкенте" [Cars with the letter Z seen in Uralsk and Shymkent]. Tengrinews.kz (in Russies). 5 Maart 2022. Besoek op 7 Maart 2022.
  2. ↑ Lykova, Nadezhda (1 Maart 2022). "Авто с наклейкой Z: водителя оштрафовали в Нур-Султане" [Car with Z sticker: driver fined in Nur-Sultan]. Tengrinews.kz (in Russies). Besoek op 7 Maart 2022.
  3. ↑ Lazurkevych, Sofia (1 Maart 2022). "Українські військові показали, як ворог маркує свою техніку" [The Ukrainian military showed how the enemy marks its equipment]. Zaxid.net (in Oekraïens). Besoek op 7 Maart 2022.
  4. ↑ Muraviev, Alexey D. (27 Februarie 2022). "How the Russian military remade itself into a modern, efficient and deadly fighting machine". The Conversation (in Engels). Besoek op 7 Maart 2022.
  5. ↑ MacFarquhar, Neil (8 Maart 2022). "The letter 'Z' has become a symbol for Russians who support the invasion of Ukraine". The New York Times. Besoek op 8 Maart 2022.
  6. ↑ Chaturvedi, Amit (7 Maart 2022). "Explained: What Does The "Z" Symbol On Russian Military Vehicles Mean". NDTV. Besoek op 7 Maart 2022.
  7. ↑ Maksimova, Kseniya (3 Maart 2022). "В Минобороны РФ раскрыли смысл латинских букв на российской военной технике" [The Ministry of Defense of the Russian Federation revealed the meaning of Latin letters on Russian military equipment]. Novaya Gazeta (in Russies). Besoek op 7 Maart 2022.
  8. ↑ Mellor, Sophie (7 Maart 2022). "How the letter Z became a symbol for pro-war Russians". Fortune (in Engels). Besoek op 7 Maart 2022.
  9. ↑ Schogol, Jeff (23 Februarie 2022). "Here's what those mysterious white 'Z' markings on Russian military equipment may mean". Task & Purpose. Besoek op 7 Maart 2022.
  10. ↑ Sarkar, Alisha Rahaman (24 Februarie 2022). "Russian tanks: What do the 'Z' and other emblems on military vehicles mean". The Independent (in Engels). Besoek op 7 Maart 2022.
  11. ↑ Roche, Calum (28 Februarie 2022). "Theories about the mysterious 'Z' on Russian tanks in Ukraine". Diario AS. Besoek op 7 Maart 2022.
  12. ↑ Kilner, James (7 Maart 2022). "Russia's terminally ill children line up in letter 'Z' stunt to show Kremlin support". The Daily Telegraph. Besoek op 7 Maart 2022.
  13. ↑ Teh, Cheryl (7 Maart 2022). "Decoding the 'Z' — the mysterious Russian military symbol that's been co-opted by Russia's nationalist movement". Insider. Besoek op 7 Maart 2022.
  14. ↑ Ling, Justin (24 Februarie 2022). "Russia Launches Social Media Offensive Alongside Missiles". Foreign Policy. Besoek op 7 Maart 2022.
  15. ↑ Sauer, Pjotr (7 Maart 2022). "Why has the letter Z become the symbol of war for Russia?". The Guardian. Besoek op 7 Maart 2022.
  16. ↑ Edwards, Jonathan (7 Maart 2022). "A Russian gymnast wore a 'Z' when standing by a Ukrainian champ. In Russia, it symbolizes support for the invasion". The Washington Post. Besoek op 7 Maart 2022.
  17. ↑ Kerley, Paul (7 Maart 2022). "Ivan Kuliak: Why has 'Z' become a Russian pro-war symbol?". BBC. Besoek op 7 Maart 2022.
  18. ↑ Nadeau, Barbie Latza (7 Maart 2022). "Putin's World War Z Has Created a New Swastika". The Daily Beast (in Engels). Besoek op 7 Maart 2022.
  19. ↑ "From Kamil Galeev". Twitter (in Engels). Besoek op 8 Maart 2022.
  20. ↑ "Russia uses Nazi signs on its vehicles – Reznikov". Interfax-Ukraine (in Engels). 7 Maart 2022. Besoek op 7 Maart 2022.
  21. ↑ Mironenko, Dmitriy (21 Februarie 2022). "На кордоні з Україною помітили російську військову техніку з незвичайним маркуванням" [Russian military equipment with unusual markings were spotted on the border with Ukraine]. Dialog.ua (in Oekraïens). Besoek op 7 Maart 2022.
  22. ↑ Khurshudyan, Isabelle; Berger, Miriam (28 Februarie 2022). "Why Kharkiv, a city known for its poets, has become a key battleground in Ukraine". The Washington Post. Besoek op 7 Maart 2022.
  23. ↑ "'Shocking behaviour': Russian gymnast shows 'Z' symbol on podium next to Ukrainian winner". The Guardian (in Engels). 7 Maart 2022. Besoek op 7 Maart 2022.
  24. ↑ "Russian gymnast faces disciplinary action after showing Z symbol". Al Jazeera (in Engels). 7 Maart 2022. Besoek op 7 Maart 2022.

Skakels

[wysig | wysig bron]
Ontsluit van "https://af.wikipedia.org/w/index.php?title=Z_(militêre_simbool)&oldid=2530109"