Parow
- Hierdie artikel handel oor die voorstad van Kaapstad. Vir ander gebruike, sien Parow (dubbelsinnig).
Parow | |
|---|---|
Dorp | |
 'n Lugbeeld van Parow | |
  Parow Parow se ligging in Wes-Kaap | |
| Koördinate: 33°54′S 18°36′O / 33.900°S 18.600°O | |
| Land |  Suid-Afrika |
| Provinsie | Wes-Kaap |
| Munisipaliteit | Stad Kaapstad |
| Stigting | 1886 |
| Oppervlak | |
| • Totaal | 27,08 km2 (10,46 vk. myl) |
| Bevolking (2011)[1] | |
| • Totaal | 119 462 |
| • Digtheid | 4 411/km2 (11 420/vk. myl) |
| Rasverdeling (2011) | |
| • Wit mense | 25.5% |
| • Indiërs/Asiërs | 4.3% |
| • Bruin mense | 58.4% |
| • Swart mense | 9.6% |
| • Ander | 2.2% |
| Taal (2011) | |
| • Afrikaans | 65.6% |
| • Engels | 26.8% |
| • Xhosa | 2.3% |
| • Ander | 5.3% |
| Poskode (strate) | 7500 |
| Poskode (posbusse) | 7499 |
| Skakelkode | 021 |
Parow is 'n groot voorstad noord van Kaapstad tussen Bellville en Goodwood.
Geskiedenis
[wysig | wysig bron]Parow is genoem na kaptein Johann Heinrich Ferdinand Parow van Pruise, wie se skip, die Kehrwieder, in 1865 aan die kus van Tafelbaai gestrand het. Parow het spoedig besef dat die Tygervallei groot moontlikhede inhou en hy het hom landwaarts gewend en aanvanklik met grootvee handelgedryf. Hy het later met grond begin spekuleer en in 1886 die eienaar geword van die plase Tygervallei, Rustenburg en ander eiendomme in die omgewing waarop die dorpsgebied Parow later uitgelê is.
Ten tyde van ongeëwenaarde grondspekulasie en groot welvaart het kapt. Parow saam met ene kapt. Scharmberg en mnre. Wrensch en Weimar die Parow-landgoed-sindikaat gestig en die Parow-dorpsgebied uitgelê. Strate in die dorp is na hierdie stigters genoem. Kapt. Parow het die plaas Tygervallei later aan mnre. Joyce en McGregor verkoop. Die dorpsgebied Tyger Valley (nou Parowvallei), wat in 1944 by die munisipaliteit ingesluit is, is op hierdie plaas geleë. Kapt. Scharmberg het later die eienaar geword van Fairfield, wat nou deel van die munisipale gebied is.
Kapt. Parow se teleskoop word steeds in die voorportaal van die raadsaal van Parow bewaar.
Godsdiens
[wysig | wysig bron]Die NG gemeente Parow-Goodwood, wat vroeër wyke van die NG gemeente Durbanville was, het op 16 November 1917 afgestig en tien jaar later, in 1927, het die NG gemeente Parow onafhanklik geword. Parow het in September 1939 munisipale status gekry, maar is in 2000 weer ingelyf by die Kaapstadse Metro.
Wapen
[wysig | wysig bron]Parow se munisipale raad het in 1939 'n wapen aangeneem: In rooi, 'n goue paal belaai met drie fleurs de lis van blou.[2] Die wapen is deur W.H. Armstrong ontwerp. Nadat dit in 1955 deur Ivan Mitford-Barberton hersien is, is dit by die Kaapse Provinsiale Administrasie geregistreer.[3] Die kleure is verander: die skild van rooi na goud, die paal van goud na blou en die fleurs de lis van blou na silwer.
Die wapen is in 1967 deur die provinsiale administreur aan die raad verleen en in 1969 by die Buro vir Heraldiek geregistreer.[4][5]
Sien ook
[wysig | wysig bron]Verwysings
[wysig | wysig bron]- ↑ 1,0 1,1 1,2 1,3 "Hoofplek Parow". Sensus 2011.
- ↑ Wes-Kaapse Argief : Parow Munisipale Notules (30 November 1939).
- ↑ Kaap die Goeie Hoop Offisiële Koerant 2764 (1 Julie 1955).
- ↑ Kaap die Goeie Hoop Offisiële Koerant 3408 (16 Junie 1967).
- ↑ National Archives of South Africa : Data of the Bureau of Heraldry.
Eksterne skakels
[wysig | wysig bron]
Wikimedia Commons het meer media in die kategorie Parow.
