Optiese as

’n Positiewe of bollens. A is die optiese as.

In geometriese optika is die optiese as van ’n brekende of weerkaatsende optiese element die loodregte lyn wat saamval met die simmetrie-as van die element. By ’n lensstelsel is die optiese as die lyn wat gevorm word deur die optiese asse van die afsonderlike lenselemente.

In eenvoudige gevalle kan ’n mens die loodregte lyn deur die krommingsmiddelpunte van die lensoppervlakke as die optiese as beskou, maar dit is nie altyd die geval nie.