Lombok
| Lombok Inheemse naam: Pulau Lombok | |
|---|---|
 Topografiese kaart van Lombok | |
| Geografie | |
| |
| Ligging | Suidoos-Asië |
| Koördinate | 8°33′S 116°21′O / 8.550°S 116.350°O |
| Argipel | Klein-Soenda-eilande
|
| Oppervlakte | 4 514,11 vk km |
| Hoogste punt | Berg Rinjani 3 726 m |
| Administrasie | |
 Indonesië
| |
| Provinsie |  Wes-Nusa Tenggara
|
| Hoofstad | Mataram
(420 941)
|
| Demografie | |
| Bevolking | 3 311 044
|
| Bevolkingsgroepe | Sasak, Balinese, Mbojo, Tionghoa-peranakan, Soembawa, Flores, Arabiese Indonesiërs |
Lombok (Indonesies: Pulau Lombok) is die tweede westelikste en kleinste van die Klein-Soenda-eilande (na Timor, Soembawa, Flores, Soemba en Bali) en is in die suide van die eilandnasie Indonesië geleë. Die eiland word begrens deur die Balisee in die noorde en die oop Indiese Oseaan in die suide. Lombok is veral as 'n toeristebestemming bekend.
Lombok het in kulturele, geografiese en demografiese opsig baie in gemeen met sy westelike buureiland Bali, meer as met die groter eiland Java in die weste, alhoewel Lombok effens kleiner, minder toeristies ontwikkel en die bevolking minder welvarend is. Lombok is eeue lank deur die Balinese Ryk oorheers. In 1894 is Lombok deur Nederland verower en by Nederlands-Indië ingelyf. Op Lombok word naas Sasak veral Balinees gepraat.
Lombok is in die ooste van Bali en in die weste van Soembawa geleë. In die noorde, oorkant die Balisee, lê Borneo, en verder noordoos Soelawesi. Lombok het 'n bevolking van 3 311 044 in 2014 gehad en beslaan 'n oppervlakte van 4 514,11 km².
Lombok se geologie is gekenmerk deur baie aktiewe vulkane wat dié eiland van wes na oos gevorm het. Lombok se vulkane behoort tot die Ring van Vuur wat die Stille Oseaan van Nieu-Seeland tot Chili omsirkel.
Eksterne skakels
[wysig | wysig bron]
Wikimedia Commons het meer media in die kategorie Lombok.- (en) Toerisme-inligting oor Lombok op Wikivoyage
- (en) "Lombok". Encyclopædia Britannica. Besoek op 30 April 2020.
