Kaplat

Aansig van 'n dak wat gewone kaplatte bevat. Die latte is in rooi gemerk.

'n Kaplat (Eng.: purlin) in boukunde is die lat wat in die langsrigting van die dak op die dakkappe of -balke vasgemaak word. Normaalweg dien hulle as draers van dun geprofileerde dakplate van bv. staal of veselsement. Kaplatte word aan dakkappe of -balke vasgespyker, asook met draad verbind om te keer dat dakke afwaai.