Hoekslyper
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
'n Hoekslyper (Engels: angle grinder) is 'n draagbare elektriese handgereedskap wat gebruik word vir die sny, skuur en polering van harde oppervlakke, gewoonlik metaal.
Hoekslypers word meestal aangedryf deur 'n elektriese motor, maar petrolenjins en saamgeperste lug word ook soms gebruik. Die motor dryf 'n gerigte kop teen 'n regtehoek aan, waaraan 'n skuurskyf of 'n dunner afsnyskyf gemonteer is. Hierdie skywe is vervangbaar met nuwes wanneer hulle uitgewerk raak.
Hoekslypers het tipies 'n verstelbare skermplaat en 'n hulphandvatsel vir dubbelhandige gebruik. Sekere hoekslypers, afhangende van hul spoedklas, kan gebruik word as skuurders en poleerders, deur die gebruik van 'n skuurskyf met 'n agterste steunskyf.
Die steunstelsel word gewoonlik van harde plastiek of mediumharde rubber gemaak, afhangende van hoeveel buigsaamheid benodig word.
Gebruike
[wysig | wysig bron]Hoekslypers kan gebruik word vir die verwydering van oortollige materiaal aan 'n werkstuk. Daar is verskeie soorte skywe wat gebruik word vir verskillende materiale en take, soos afsnyskywe (diamantlem), skuur- en maalskywe, maalstene, draadborselwiele en poleerkussings.
Die hoekslyper het groot laers om die wringkrag wat tydens die snyproses ontstaan, teen te werk; in teenstelling met 'n elektriese boor, waar die wringkrag slegs in 'n aksiale rigting ontstaan.
Hoekslypers word oral in metaalwerk en konstruksiewerk gebruik, asook vir noodredding. Hulle word algemeen in werkswinkels, diensgarages en paneelkloppers gevind.