Charles Nungesser
| Charles Nungesser | |
|---|---|
| |
| Geboortedatum | 15 Maart 1892 |
| Geboorteplek | Parys, Frankryk |
| Sterfdatum | 8 Mei 1927 |
| Sterfplek | Iewers in Atlantiese Oseaan |
| Lojaliteit |  Frankryk
|
| Diens/Tak | Franse lugarm |
| Jare in diens | 1914–1918 |
| Rang | Kaptein |
| Eenheid | Escadrille 65, V106, V116 |
| Veldslae/oorloë | Eerste Wêreldoorlog |
| Toekennings |
|
Charles Eugène Jules Marie Nungesser (15 Maart 1892 – 8 Mei 1927) was 'n Franse bobaasvlieënier tydens die Eerste Wêreldoorlog en was die derde beste Franse bobaasvlieënier met 45 oorwinnings teen die einde van die oorlog. Terwyl hy in Suid-Amerika aan motorwedrenne deelgeneem het, het hy geleer hoe om te vlieg. Hy keer terug na Frankryk in 1914 en sluit by die Franse Leër aan. Hy kry 'n oorplasing na die Franse Lugarm en in 1915 het hy verkenningsvlugte gedoen. In November 1915 kry hy 'n oorplasing na 'n vegter eskader en begin bou aan sy totaal van 45 oorwinnings. Die meeste hiervan word gedoen in 'n Nieuport vliegtuig met sy gunsteling skull and crossbones motief op. Op 29 Januarie 1916 was hy betrokke in 'n ernstige ongeluk en breek altwee sy bene, nogtans vlieg hy weer binne twee maande. Hy was verskeie kere gewond en tussen verskeie ongelukke en besoeke aan die hospitaal verbeter hy sy oorwinnings, teen Desember 1916 was dit 21.
Op 'n dag word 'n boodskap deur 'n Duitse vliegtuig by 'n lughawe neergegooi waarin Nungesser vir 'n vliegtuig tweegeveg uitgedaag word. Hy aanvaar die uitdaging, arriveer op die aangewese punt waar ses Duitse vliegtuie hom voorlê. Hy skiet twee af en die ander vier vlug. Op dieselfde dag word hy deur 'n Britse vlieënier aangeval wat ooglopend probleme met uitkenning gehad het. Die vlieënier hou aan en Nungesser skiet hom teesinnig af. Teen die middel van Augustus 1917 was hy fisies so swak weens uitputting, wonde en ongelukke dat hy na sy vliegtuig gedra moes word. Hy hou uit tot aan die einde van die oorlog.
Hy verdwyn in 1927 terwyl hy van Frankryk na Amerika gevlieg het.
Bron
[wysig | wysig bron]- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9
Verwysings
[wysig | wysig bron]- ↑ Nieuport Aces of World War 1. p. 57.
