Bertha Benz

Bertha Benz
Bertha Ringer, in 1871, in die jaar voor sy met Karl Benz getrou het en sy sy besigheidvennoot geword het
Gebore	Cäcilie Bertha Ringer 3 Mei 1849 Pforzheim
Sterf	5 Mei 1944 Ladenburg
Nasionaliteit	Duitsland
Bekend vir	Bertha Benz-gedenkroete
Eggenoot	Carl Benz
Kinders	5, Eugen, Richard, Clara, Ellen, Thilde
Ouer(s)	Karl Friedrich Ringer (vader)

Bertha Benz-gedenkroete

Benz Patent-Motorwagen Nr. 3 (1888)

Bertha Benz (3 Mei 1849 – 5 Mei 1944) was die eggenote en besigheidsvennoot van Carl Benz. Na aanleiding van haar vennootskap met Benz, was sy ook die eerste persoon wat 'n motorkar oor 'n lang afstand bestuur het, waardeur kommersiële belangstelling in motorkarre aansienlik gestyg het.

Sy is op 3 Mei 1849 in Pforzheim, Duitsland, as Bertha Ringer gebore. Sy het reeds in 1871, voor haar huwelik met Benz op 20 Julie 1872, geld in sy besigheid belê wat dit vir hom moontlik gemaak het om die eerste gepatenteerde motorkar te ontwikkel. Bertha het haar wêreldberoemde rit in 1888 afgelê: 106 km tussen Mannheim en Pforzheim. Halfpad moes sy brandstof byvoeg, iets wat in daardie dae nog slegs by apteke beskikbaar was.

Sien ook

• Bertha Benz-gedenkroete

Eksterne skakels

• Wikimedia Commons het meer media in die kategorie Bertha Benz.
• Bertha Benz – mehr als nur die bessere Hälfte. Geargiveer 30 Augustus 2009 op Wayback Machine - Duitse artikel oor Bertha Benz by die Mercedes-Benz-webwerf.
• Angela Elis: Mein Traum ist länger als die Nacht. Wie Bertha Benz ihren Mann zu Weltruhm fuhr. Hoffmann und Campe, Hamburg 2010, ISBN 978-3-455-50146-9.