Washington (stato)

Washington esas Usana stato. Lu havas kom vicini Oregon sude ed Idaho este. Norde jacas Kanadana provinco British Columbia ed weste jacas Oceano Pacifiko.

State of Washington Stato di Usa Chefurbo Olympia Maxim granda urbo Seattle Surfaco 184 827 km² Habitanti Denseso di habitantaro 7 535 591 (2018) 39,6 hab./km² Guberniestro Jay Inslee Transformo en stato: 11ma di novembro 1889 Posto-kodexo abreviuro WA Reto access.wa.gov

Bazala fakti pri Washington.

Historio

Kranio dil Homo di Kennewick.

La skeleto dil Homo di Kennewick, un ek la maxim anciena skeleti kompleta di Homo sapiens trovita en Amerika, habitis la valo dil fluvio Columbia, en la nuna stato Washington, cirkume 9 mil yari ante nun. Ante l'arivo dil Europani, multa indijena tribui habitis la regiono. Ca tribui transvivis de la pesko di salmono e baleno ed erektis multa totemi.

L'unesma Europano qua arivis en la regiono esis Hispano Don Bruno de Heceta, en 1775. En 1778 Angla kapitano James Cook exploris la regiono di Kabo Flattery, proxim la stretajo Juan de Fuca. Tamen, Cook ne deskovris la stretajo.

La konvenciono Nootka de 1790 finis la reklamaci Hispana pri exkluziva yuro por explorar la regiono, ed apartis la nordwestala rivo di Nord-Amerika por l'explori di stranjeri, nome Britaniani e Rusi.

Ye la 15ma di junio 1846 Unionita Rejio cedis la regiono ad Usa. Washington divenis Usana stato ye la 11ma di novembro 1889.

Geografio

Precipua artiklo: Listo di urbi en Washington

De la monti Cascade adweste, la klimato esas Mediteranea, kun milda temperaturi e pluvoza vintri. La maxim alta monto dil stato esas Mount Rainier, kun 4 392 metri di altitudo.