Louisiana

Louisiana esas Usana stato. Lu havas kom vicini Arkansas norde, Texas weste, e Mississippi este. Sude jacas gulfo di Mexikia.

State of Louisiana État de Louisiane Stato di Usa Chefurbo Baton Rouge Maxim granda urbo New Orleans Oficala linguo ne havas. De facto: Angla e Franca Surfaco 134 382 km² Habitanti Denseso di habitantaro 4 209 900 (2019) 34,6 hab./km² Guberniestro John Bel Edwards (D) Transformo en stato: 30ma di aprilo 1812 Posto-kodexo abreviuro LA Reto www.louisiana.gov

Bazala fakti pri Louisiana.

Historio

Louisiana habitesis da multa indijena populi dum yarmili ante l'arivo dil Europani. L'arkeologiala komplexo di ter-amaso Watson Brake evas de cirkume 3.500 yari aK, ed esas la maxim anciena arkeologiala komplexo trovita en la regiono, esanta plu evoza kam la piramidi de Egiptia.

L'unesma Europana exploreri arivis en 1528, kande Pánfilo de Narváez komandis expediciono qua exploris la delto dil fluvio Mississippi. En 1542, Hernando de Soto exploris la nordo e la westo di la regiono. Tamen, Hispani havis nula intereso pri la regiono dum cirkume 150 yari.

En 1682, Franca explorero Robert Cavelier de La Salle nomizis la regiono Louisianne, honore lora rejulo Louis la 14ma di Francia. L'unesma permananta kolonieto, Fort Maurepas, fondesis proxim la nuna Ocean Springs, Mississippi en 1699. Lor, Franci ja konstruktabis faro en la regiono nomizita La Balise, o La Balize, por guidar navi qui trairis la fluvio.

Louisiana divenis Usana stato ye la 30 di aprilo 1812.

Geografio

La tereni di Louisiana esas basa: la maxim alta punto dil stato esas Monto Driskill, kun 163 metri di altitudo. Cirkume 52 000 km² esas aluvionala tereni, inkluzite fluviala marshi, litorala marshi e plaji.