Ohio

Ohio esas Usana stato. Lu havas kom vicini Michigan e Lago Erie norde, Pensilvania este, Westal Virginia e Kentucky sude, ed Indiana weste. An l'altra rivo dil Lago Erie jacas Kanadana provinco Ontario.

State of Ohio Stato di Usa Chefurbo Columbus Maxim granda urbo Cleveland, Cincinnati Oficala linguo ne havas. L'Angla esas de facto. Surfaco 116 096 km² Habitanti Denseso di habitantaro 11 613 423 (2015) 98,77 hab./km² Guberniestro Mike DeWine (R) Transformo en stato: 1 di marto 1803 Posto-kodexo abreviuro OH Reto www.ohio.gov

Historio

L'unesma Europani qui arivis en Ohio esis Franci. Til 1763 ol esis parto ti Nova Francia ed, en ta yaro, ol divenis Britaniana teritorio. Pos la nedependantesko di Usa, en 1783 Usani komencis kontrolar la teritorio.

Ohio divenis l'unesma nord-westala teritorio qua divenis stato - la 17ma stato Usana - ye la 1ma di marto 1803.

Geografio

Precipua artiklo: listo di urbi en Ohio

Mapo di Ohio kun lua precipua urbi e stradi

La klimato dil stato esas kontinentala humida. Someri esas varma e pluvoza, e vintri esas koldeta o kolda. Poka vortiga ventegi ed anke poka tempesti di nivo atingas la stato.

La maxim alta monto dil stato esas Campbell Hill, kun 472 metri di altitudo.

Ekonomio

Ohio havas la 10ma maxim extensa reto di chosei de Usa, e distas admaxime 1-dia voyajo de 70% ek la precipua industriizita zoni di Usa, ube rezidas 50% de la habitantaro di la lando. Segun inquesto de 2010, ol judikesis kom la 2ma maxim bona stato Usana por komercala e servadala aferi. En februaro 2018, la chomeso en la stato atingis nur 4,5% de la laboro-povo.

Industrio e financal aferi reprezentas 13,8% de la TNP dil stato.