高志森
| 高志森 | |
|---|---|
 | |
| 出生日 | 1958年8月6號  （66歲） |
| 出生地 | 中山市 |
| 國籍 | 中華人民共和國 |
| 識嘅語言 | 中文 |
| 母校 | Kwun Tong Maryknoll College |
| 職業 | 電影導演、編劇、演員、電影製片、電影剪接師 |
[改維基數據] | |
提示：呢篇文講嘅唔係高志活。高志森，MH（Clifton Ko，1958年8月6號—）係香港導演、監製、策劃、編劇、剪輯、出品人同演員，作品包括電影、電視劇、舞臺劇等。
生平
[編輯]高志森以前係麗的電視編劇，後嚟轉咗去做電影導演。喺1980年代佢多數幫黃百鳴拍戲，1984年拍嘅《開心鬼》就收近二千萬票房，破咗香港票房紀錄。佢嘅電影通常都係喜劇，所以比較收得，好似《富貴逼人》系列都拍咗好幾部續集。1992年佢執導嘅《家有喜事》重收四千九百萬票房，再一次破咗香港電影票房紀錄。
近年佢除咗搞電影之外重搞舞臺劇，較為突出嘅有《我和春天有個約會》同埋《南海十三郎》。呢兩部戲都拍咗電影。
作品
[編輯]個人榮譽
[編輯]公職
[編輯]爭議事件
[編輯]有唔少關於高志森嘅爭議，都係同佢政治立場，同埋散播虛假消息有關。另外，佢喺早年同一啲藝人合作嘅問題上，誠信亦被部份嘅人質疑。
用假支票老屈張國榮收錢唔認帳
[編輯]1994年7月，高志森想請張國榮拍《香江花月夜》，但當時張國榮係黃百鳴東方電影旗下嘅藝人，佢亦接拍咗于仁泰嘅《新夜半歌聲》。高志森以飯局為名，寫咗一張支票畀張國榮，想以示誠意。當時張國榮講明，因為佢係黃百鳴旗下嘅藝人，所以佢嘅檔期由黃百鳴決定，對方已安排佢接拍《夜半歌聲》，所以佢無權決定。但礙於情面，張國榮唔好意思拒絕，暫且收咗支票，並打算詢問黃百鳴意見。之後高志森之後接受周刊訪問，話張國榮收錢唔認數，文章仲刊登一張無畫死線嘅「300萬支票」。高志森喺訪問入面仲話自己有權告張國榮。之後，張國榮喺《娛樂性騷擾》節目入面講番件事，話係當高志森係朋友先暫時收下支票，但數目唔係300萬，而係100萬，自己曾多次拒絕並且表明要問黃百鳴意見先可以決定，冇諗過高志森攞一張「300萬」嘅假支票接受訪問老屈佢，仲話高志森講啲咁嘅嘢簡直係垃圾，行為嗱渣。張國榮又話行內都知道，佢唔會用張國榮個名去收支票 [6][7]。
諷刺為「真普選」而絕食嘅學生應以自焚絕育代替
[編輯]2014年佔領中環期間，佢曾經公開回應學民思潮成員宣佈無限期絕食嘅新聞，叫佢哋自焚算數，仲話「你唔好睇我肥肥哋，我每日都有22個鐘頭絕食架（㗎）」。佢攞自焚嚟開玩笑，之後被多人公開譴責，其中1996年曾遭遇八仙嶺山火嘅十大傑出青年張潤衡於面書指責，唔好攞燒傷嘅過程嚟開玩笑。[8] 藝人黃秋生亦對高志森作出批評，話啲人叫佢「低智森」無改錯名，認為佢將絕食同自焚相提並論係低智嘅表現。[9]。之後，佢喺2014年更呼籲為爭取真普選而絕食嘅學生以絕育代替絕食，「一人一紥要求人大收回決定」[10]。
失實批鬥藝發局
[編輯]喺2021年3月，高志森喺《大公報》訪問中聲稱，藝發局只係撥出數萬港幣資助畀佢監製嘅舞台劇《金鎖記》喺昆明站嘅演出，又聲稱愈嚟愈感到當局對愛國愛港藝術團體有強烈嘅排斥。但係傳媒事後藝發局文件，發現嗰個項目獲批 30 幾萬港元，並唔係好似高志森咁講，金額對比其他項目亦係名列前茅。被揭發報細數之後，高志森拍片道歉，話係身邊同事畀咗唔完整嘅資訊[11][12]。
政治參與同經歷
[編輯]佢曾經有份參與一份聯署，支持北京未經諮詢或香港人同意，強行訂立嘅《港版國安法》[14][15]，但有關聯署之後被揭發做假，其中名單上嘅張寶華、徐熙媛、李巧靈同蔣志光之後否認有份參與，而陳汝騫就一早離世[16]。
喺2016年，佢成為香港特别行政區選舉委員會體育、演藝、文化及出版界（文化小組）委員。之後，佢有份提名林鄭月娥參與2017年香港行政長官選舉[17]。
喺2021年9月，佢成為香港特别行政區選舉委員會委員(有關全國性團體香港成員的代表)[18]。
攷
[編輯]- ↑ 〈二〇〇六年授勳名單〉 (新聞稿) (繁體中文)。香港政府新聞公報。2006年7月1號。原先內容歸檔喺2007年11月30號。喺2020年3月9號搵到。
- ↑ 〈2012年大學院士 高志森先生 MH〉 (繁體中文)。香港理工大學。原先內容歸檔喺2020年3月15號。喺2020年3月9號搵到。
- ↑ 〈組織架構 - 香港再出發大聯盟 - 官方網站〉。www.hkcoalition.com。喺2023-11-09搵到。
- ↑ 〈香港再出發大聯盟團結各界〉。www.takungpao.com.hk。喺2023-11-09搵到。
- ↑ 5.0 5.1 〈會員 | 中國文聯及其所屬各全國文藝家協會香港會員名單〉。《中國文學藝術界聯合會香港會員總會》 (香港中文)。喺2024-09-01搵到。
- ↑ 【高志森要告張國榮？】23年前舊事 哥哥爆seed：向華強搵我拍戲都要跟手續 互聯網檔案館嘅歸檔，歸檔日期2017年4月8號，. 蘋果日報 2017年04月06日
- ↑ 〈【23年前舊事】不忿被屈收300萬 張國榮問高志森：點解要咁嗱渣啫？ ｜ 蘋果日報〉。《Apple Daily 蘋果日報》 (香港中文)。原先內容歸檔喺2021-03-20。喺2021-03-19搵到。
- ↑ 學民3人絕食 高志森：自焚算了吧！ 互聯網檔案館嘅歸檔，歸檔日期2014年12月13號，.，《蘋果日報》，2014年12月2日。
- ↑ 【做人做事態度】高志森絕食同自焚並論 秋生：低智森冇改錯名 互聯網檔案館嘅歸檔，歸檔日期2016年8月4號，.，《蘋果日報》，2014年12月3日
- ↑ 高志森再諷絕食：何不絕育？，《明報》，2014年12月8日。
- ↑ 〈屈藝發局「有內鬼」 高志森道歉認獲批30萬內地演話劇 ｜ 蘋果日報〉。《Apple Daily 蘋果日報》 (香港中文)。原先內容歸檔喺2021-03-20。喺2021-03-19搵到。
- ↑ 〈【批鬥藝發局】《立場》踢爆「報細數」 高志森拍片認資訊有誤 「同《大公報》講聲唔好意思」 | 立場報道 | 立場新聞〉。《立場新聞 Stand News》 (英文)。原先內容歸檔喺2021-03-20。喺2021-03-19搵到。
- ↑ 〈文友匯聚 共賀香港文匯報75周年〉。《香港文匯網》 (中文)。喺2024-09-01搵到。
- ↑ 〈文藝界2600人聯署支持立法 - 香港文匯報〉。paper.wenweipo.com。原著喺2021-05-22歸檔。喺2022-09-19搵到。
- ↑ 〈文化演藝界3千多人及團體表態支持國安法立法 - 雪花台湾〉。www.xuehua.tw。原著喺2022-09-20歸檔。喺2022-09-19搵到。
- ↑ 〈成龍挺港版國安法 聯署聲明驚現死者名字 - 大紀元〉。《大紀元 www.epochtimes.com》 (繁體中文)。2020-06-01。喺2022-09-19搵到。
- ↑ 〈林鄭提名名單 - 香港文匯報〉。paper.wenweipo.com。喺2024-03-30搵到。
- ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。
出面網頁
[編輯]- 高志森喺香港影庫嘅資料（香港繁體）
- 高志森喺互聯網電影資料庫嘅資料（英文）
- 高志森 at AllMovie
- 高志森 at AllMovie
- 高志森喺豆瓣電影嘅資料（簡體中文）
- 高志森喺時光網嘅資料（大陸簡體）
- 高志森嘅新浪微博
 |