馬瀝站

	馬瀝; MALI
	馬瀝站嘅站名
概覽
冧巴	1407
位置	白雲區鐘落潭馬瀝村，佛公橋地段。; 105國道嘅K2519+100標記位
座標	23°23′47.82″N 113°26′42.09″E / 23.3966167°N 113.4450250°E
車站色
經過路線	14
啟站	2018年12月28號
月台數	2
站口數	2
營運資訊
車站服務時間	05:57～23:20
列車服務時間	06:02～23:15
	廣州地鐵14號綫; 嘉禾望崗　◄鐘落潭（5.6km）（2.8km）新和►　東風

馬瀝站（粵拼：maa5 lek6 zaam6；英文：Mali Station），規劃同施工時期嗌過黎家塘站（lai4 gaa1 tong4 zaam6；Lijiatang Station），係廣州地鐵 14號綫嘅車站，2018年12月28號開通，喺白雲區鐘落潭馬瀝村，佛公橋地段一帶（105國道嘅K2519+100標記位）。

結構

外觀

File:MaLekZaam Surface.jpg

從出面睇馬瀝站嘅樣

同其它14號綫嘅高架站一樣，呢個站嘅外觀方面，個樣似高鐵嘅高架站多啲，其中2樓部份睇落似玻璃牆。但佢有個地方同琶洲嘅會展中心唔一樣嘅係，呢個站最頂冇大隻紅字印住個站名響度。

樓層

呢個站一共有3層樓嘅地上區域，其中地上1樓係出入口，有設備房同市政設施；地上2樓係站廳，有票務設施，客務中心同商鋪；地上3樓係14號綫月台。站內既有休息室，又有廁所，更加有母嬰室。其中休息室有4個，喺14號綫月台範圍入面，每個月台各有兩個。而廁所同母嬰室喺站廳收費區入面近南邊牆邊範圍，其中母嬰室喺廁所嘅女廁門口隔籬。

打掂

地上三樓	側式月台，開右邊門（限慢綫）
	2月台	← 14號綫列車去鐘落潭站（行嘉禾望崗嗰邊）
	1月台	14號綫列車去新和站（行東風嗰邊） →
	島式月台，開右邊門（限慢綫）
地上二樓	站廳	售票機、客服中心、商舖、警務室、安檢設施
地面		出入口、設備房、市政設施

打橫

站廳

鐘落潭站嘅站廳收費區喺車站東北邊，西南邊係過街通道。收費區有好多部扶手電梯同樓梯、專用𨋢往返月台都得。

月台

呢個站有兩個側式月台，喺廣從九路佛公橋地段嘅上空。

另外，喺呢個站東北邊冇幾遠同車行嗰兩條軌道之間，都有條存車綫同波口位響度，專門畀喺馬瀝站以東北啲車站出冬瓜豆腐時，啲車會攞呢個站做總站用，屆時去從化或新和、九佛、鎮龍一帶嘅需要轉乘其它交通工具。

商舖同自助服務

呢個站冇商舖，但得臺自助服務。自助服務凈得部共享雨遮響度。

自助服務

共享雨遮

出入口

馬瀝站冚唪唥嘅出入口

A出入口

B出入口

呢個站有2個出入口，分别係A同B。

冧巴	標記	方位	去到邊度
出入口A	廣從九路	東	地鐵馬瀝站巴士站（北行）、廣高路
出入口B	廣從九路	西	地鐵馬瀝站巴士站（南行）、黎家塘黎佛路

頭尾班車信息同配線圖

配線圖

█ 14號綫
▲新和站

▼鐘落潭站

行去邊頭	頭班車	尾班車
每日
14號綫
嘉禾望崗站	06:04	23:00
東風站	06:02	23:15
注意：喺晚黑最後一班車開走之前嗰5分鐘之內，係唔畀入閘坐車（包括埋買車飛）。

車站歷史

規劃

喺2003年份地鐵規劃方案入面，嗰時嘅新華綫^{[註 1]}由花都汽車城出發，先經過人和同太和，再跟住廣從公路去到從化街口為止，嗰時路線經過廣從公路嘅佛公橋一帶。但2005年，新華綫嘅西段（花都汽車城⇆高增）被列入咗9號綫一部分^{[註 2]}，而廣從路段（太和⇆街口）直到2008年份規劃先至重新提出，不過嗰時嗌成黎家塘站。

2010年，爲咗落實廣州市嘅「北優」發展戰略同埋支持從化同埋知識城嘅發展，嗰時份規劃話起14號綫，路線要起成「人」字樣，呢個站亦唔變。雖然路線提出咗快綫嘅需求，但唔經呢個站^[1]。

施工

2014年3月4號，車站正式喐手起。
2017年11月15號，呢個站到新和之間嘅高架樑框架正式鋪好兼貫通。
2018年3月29號晏晝，廣州市民政局開始向全社會徵集主綫啲站名，其中呢個站正式改名做馬瀝站^[2]。
2018年8月2號，呢個站嘅主體鋼構吊裝已經搞掂嗮。
2018年8月8號丑時，呢個站到赤草（計埋出入鄧村停車場嗰橛）之間嘅接觸軌順利通過咗冷滑試驗。
2018年8月15號，隨住呢個站到赤草（計埋出入鄧村停車場嗰橛）之間正式三權移交，路線亦開始入咗營運前調試階段。
2018年9月26號，呢個站正式三權移交而開始營運前調試^[3]
2018年11月30號申時，主綫一期嘅供電系統安裝工程Ⅱ標段（馬瀝⇄東風）順利搞掂單位工程驗收。

開通

2018年12月28號晏晝，由於14號綫一期主綫部份正式開通，呢個站亦正式開放。

利用狀況

附近嘅建築同景區

馬瀝村衛生站
金穎園農科旅遊度假區
四海偉業科技有限公司
廣東機電職業技術學院（北校區）

註同攷

註

↑ 喺2003年份地鐵規劃入面，嗰時嘅新華綫定嘅路線冧巴好亂，試過用咗「9號綫」同「14號綫」呢兩隻名。
↑ 同年亦將9號綫向西延長到飛鵝嶺嗰頭做總站。原先計劃二期延長到清遠，但因唔夠錢而冇繼續再搞西延長計劃。

攷

↑ 〈广州地铁14号线一期及知识城支线获批站点公布〉。原著喺2016年3月5號歸檔。喺2019年1月30號搵到。
↑ 〈地铁21号线、14号线站名等你提意见〉。《廣州日報》。今日头条。2018-03-30。
↑ 〈地铁十四号线一期嘉禾望岗至马沥段开始运营调试〉。《广州市人民政府》。2018-10-29。原著喺2018-12-22歸檔。喺2019-01-30搵到。

上一站·下一站

上一站⇚⇚　　　　廣州地鐵　　　　⇛⇛下一站
鐘落潭站嘉禾望崗站←	馬瀝站 14號綫（主綫慢車）	新和站 →東風站

[1] 喺2003年份地鐵規劃入面，嗰時嘅新華綫定嘅路線冧巴好亂，試過用咗「9號綫」同「14號綫」呢兩隻名。

[2] 同年亦將9號綫向西延長到飛鵝嶺嗰頭做總站。原先計劃二期延長到清遠，但因唔夠錢而冇繼續再搞西延長計劃。

[GZMETRO14-3] 〈广州地铁14号线一期及知识城支线获批站点公布〉。原著喺2016年3月5號歸檔。喺2019年1月30號搵到。

[4] 〈地铁21号线、14号线站名等你提意见〉。《廣州日報》。今日头条。2018-03-30。

[5] 〈地铁十四号线一期嘉禾望岗至马沥段开始运营调试〉。《广州市人民政府》。2018-10-29。原著喺2018-12-22歸檔。喺2019-01-30搵到。

[註 1]

[註 2]

[1]

[2]

[3]