香港航空
| 香港航空 Hong Kong Airlines | ||||
|---|---|---|---|---|
.jpg) | ||||
| ||||
| 創立 | 2006年11月28號 | |||
| 營運基地 | 赤鱲角 | |||
| 樞紐機場 |  香港國際機場 | |||
| 飛行常客 獎勵計劃 | 金鵬俱樂部 | |||
| 機場貴賓室 | 遨堂 (Club Autus) | |||
| 子公司 | Hong Kong Airlines Cargo[*] | |||
| 飛機數量 | 19（+10） | |||
| 通航城市 | 50+ | |||
| 口號 | 此刻，就是香港 Where Hong Kong begins | |||
| 母公司 | 海南航空 | |||
| 總部 |  香港赤鱲角過路灣路28號香港航空訓練大樓 | |||
| 重要人物 | 孫劍鋒（主席） 湛貴才（總裁） 陳明琼（副總裁） 戰學偉（副總裁） 盧增榮（副總裁） 曾俊（首席財務官） 尹成偉（助理總裁） | |||
| 官方網站 | http://www.hongkongairlines.com | |||
[改維基數據] | ||||
 |
|---|
| 呢篇文係香港航空系列之 一 |
|
|
|
|
其他香港系列 |
香港航空公司（Hong Kong Airlines），係一間香港註冊同埋以香港做營運基地嘅航空公司，佢而家係中國海南航空集團旗下。如果唔計已經執咗嘅舊香港航空，香港航空係香港第三間航空公司。
佢前身係2001年成立嘅中富航空（CR Airways）。2005年畀海航集團收購咗，2006年9月30號改名做香港航空（Hong Kong Airlines）。
香港航空喺2014年贏得世界航空業權威機構Skytrax嘅「最傑出進步航空公司」大獎，2015年 攞到WTA世界旅遊大獎嘅「亞洲最佳機艙服務」獎項，亦係香港唯一一間攞到國際航空運輸協會高效旅遊金獎（Fast Travel Gold Certificate）嘅航空公司，同時亦俾Skytrax評為「四星級航空公司」之一[1][2][3][4]。
歷史
[編輯]_parked_at_Hong_Kong_International_Airport.jpg)
_taking_off_from_Shanghai_Pudong_International_Airport.jpg)
中富控股時期
[編輯]2001年3月28號，中富航空有限公司正式成立，由中富控股持有，初期係一間直升機服務公司。喺美國買咗一架全新直升機，諗住喺珠江三角洲地區做不定期客運服務。長遠目標將直升機機隊增加到四至六架。
2002年3月，獲香港民航處發出航空營運許可證，成為香港第三間商用直升機公司，開始籌備正式營運。
2003年5月，中富航空（直升機）有限公司成立。除咗專做直升機客運服務外，重提供醫療拯救、觀光同埋遊覽服務，重有離岸工程人員嘅運載支援。
2003年6月27號，獲香港民航處發出新航空營運許可證，畀佢營運首架龐巴迪CRJ-200支線飛機，成為香港第三間採用定翼機提供商業客運服務嘅航空公司。[5]
2004年，泰國東方航空有意入股中富航空，但喺10月宣布談判告吹，原因喺由於無法就入股條件同中富控股達成共識。泰國東方航空希望買中富航空49%股權，但中富只肯賣40%股份，令談判告吹。[6]
2005年底，中富航空同波音就購買窄體客機同埋寬體客機進行磋商。中富航空計劃買波音737-800窄體飛機同埋787夢想飛機（Dreamliner）簽署諒解備忘錄，以配合公司飛去中國大陸城市，應付航空旅遊嘅急速需求。波音同中富雙方都未透露購買飛機嘅數量，但據香港媒體透露，中富航空將會買入40架飛機，其中30架係737客機，10架係夢想飛機[7]。
有經濟分析師認為，呢份價值33億美金嘅訂單將會對香港老牌航空公司國泰航空同港龍航空構成真正威脅。此外機隊規模確實可觀，訂單中嘅長途機型會幫得到公司拓展新航線。而外界就認為呢次增購客機一事係咗除本身嘅直升機服務外，為加入做定期客運服務作出準備。[8]
2005年底，海南航空就收購中富航空股權進行談判。
2006年初，出售45%中富航空畀海南航空大股東-新華航空（China Xinhua Airlines）。
2006年8月，中富控股主席葉長青辭任中富航空董事，蒙建強、任衞東及李強先後於8月13同16號被委任為董事。
2006年9月，消息指葉長青已出售餘下55%股權畀香港註冊嘅新華航董事-蒙建強，成為香港航空嘅大股東。蒙建強同中國海航集團關係密切，令海航集團實際完全擁有中富航空。[9]
海航集團時期
[編輯]2006年9月30號，中富航空改名做香港航空，換新標誌、新空中服務員制服，更新機隊。
2006年，引入第一架波音737客機。營運香港至中國二線城市嘅航線。
2010年正式加入IATA。
2010年6月，接收第一架A330客機，並執行飛莫斯科嘅航班，成為香港第三間開辦長途航線嘅航空公司。A330客機會服務香港直飛北京、曼谷等高載客量嘅一線航線。
2010年7月，宣布增購10架A330客機，原先訂購嘅15架A330客機，將改做A350-XWB。[10]
2010年9月，接收第一架A330-200F純貨機，貨運業務拓展至純貨運航班，並成為全球第二間，同亞洲第一間營運A330-200F貨機嘅航空公司。
2011年，第一次畀SKYTRAX評為四星級。
2011年6月，喺巴黎航展宣佈將會訂購10架A380客機，總值380萬美元（約2900萬港元）。
2011年11月，宣佈開辦從香港直飛倫敦嘅航班。
2011年12月13號，上海A股上市嘅海南航空股份全資子公司海南航空（香港）有限公司嘅全資子公司Hainan Airlines Investment Holding Co. Limited以總價8.42億人民幣（10億港元）、注資香港航空，注資後持有香港航空嘅19.02%股權。
2012年3月，用三架特別佈置嘅A330-200商務客機執飛來往倫敦同香港嘅直飛長途航班。嗰三架商務客機只配置兩個商務客艙(Club Premier同Club Classic)，重有空中酒吧、WiFi同個人娛樂系統等，而Club Premier艙嘅旅客重可享用轎車接送服務同180度平瞓睡床。依家商務客機已經轉番做帶有長途商務客艙同標準經濟客艙配置。
2012年8月15號，表示未來將善用區域業務嘅優勢，專注喺亞太地區。亦都會重新部署機隊組合，重點加強喺中國、東南亞、日本同韓國。用新嘅空中巴士逐步取代波音737客機，轉做全空中巴士機隊，提高服務同慳番維修方面嘅錢[11]。
2012年底，決定將10架仍未接收嘅A380定單，減少至唔多過5架，剩番嘅5架定單可能會取消，或改買較細機型嘅A330、A350客機。[12]
2012年12月，引入A330-300客機，配備全新長途型商務客艙，可延伸至180度平瞓睡床，執飛更多優質客源需求大嘅航線。
2013年10月，對航線進行全面整合，將部分休閒航線撥畀香港快運。
2014年6月，香港國際機場嘅全新旗艦貴賓室「紫荊堂」正式開幕，進一步提升地面服務。
2015年2月，贊助電影版《衝上雲霄》。
2014年7月，獲SKYTRAX頒發年度「全球最傑出進步航空公司」（The World’s Best Improved Airline），重連續第三年蟬聯SKYTRAX四星航空公司評級。
2015年2月，香港航空同香港機場管理局就分租土地興建飛行培訓中心簽訂協議。香港航空將於香港國際機場東南面一塊面積約0.6公頃嘅土地興建飛行培訓中心。[13]
2015年12月28號，飛去沖繩嘅HX658航班成為第一班由中場客運廊出發嘅離港航班[14]。
2016年4月，宣佈推出自助行李托運服務。
2016年9月，宣佈同空中巴士公司簽署購機協議，訂購9架A330-300飛機。
企業形象
[編輯]
.jpg)
- 主題標誌
香港航空用亮麗紅色同紫色做主色，融合到制服同客艙之中，同香港旗同市花洋紫荊互相呼應。同時佢嘅標誌亦由香港市花洋紫荊演化而成，象徵同香港密切連繫。
- 推廣
為咗配合企業主題，香港航空曾請亞運國術銀牌得主杜宇航同女藝人陳嘉桓做代言人。目前香港航空最新企業主題係「很年輕，好香港」。
- 電視廣告
香港航空歷年嚟推出咗多輯廣告，每輯廣告都有獨立主題同理念。
- 2007年：「詠春」[15]
請藝人陳嘉桓示範詠春。
- 2010年：「分分鐘想飛」、「香港航空樂優游」
有關航空業嘅問答遊戲資訊節目，喺無線電視翡翠台同高清翡翠台播出。
- 2013年：「將更好的帶上雲霄」
展示客席教練陳嘉桓、奧運體操冠軍張楠、滕海濱，同埋香港前亞洲運動會代表梁志賢培訓旗下空中服務員概況，帶出佢服務細緻嘅意念，呼應「很年輕、好香港」嘅企業主題。
- 2016年：「飛悅精彩」
以十週年尋找精彩遊歷之最為主題遠赴澳洲、中國、日本同台灣等地取景拍攝，展示香港航空涵蓋全球各地嘅航點，締造「飛越地平線」嘅意境，象徵希望、邁步前進、展望將來同埋積極擴展全球航線嘅朝氣同動力。
- 電影及媒體
2012年，贊助同協助製作航空時裝劇集《衝上雲霄II》，除咗借架客機同登機櫃檯畀TVB拍攝外，亦提供多項形象設計畀片中嘅虛擬航空公司做參考。
2013年，同泰國旅遊局合作，推出微電影《還‧愛》，用嚟推廣泰國旅遊。
2014年，同寰亞傳媒集團、邵氏公司合作，贊助《衝上雲霄》電影同協助拍攝，成為電影嘅唯一指定航空公司贊助商。
- 體育競賽
2012年，做香港殘奧會指定航空公司，接載香港殘奧代表團成員參加倫敦奧運賽事。[16]
2017年，同香港賽馬會攜手合作，冠名贊助跑馬地百萬挑戰盃，為期三年。
- 教育與公益活動
每年都參加香港明愛籌款賣物會，贊助「世界糖尿病日2012年」香港站嘅活動。
2011年，舉辦「香港兒童航空樂」活動，主要對象係未搭過飛機嘅細路，免費資助大約120個基層細路仔同家長去海南島兩日一夜旅行，包食宿、交通同保險等費用，畀基層家庭細路有機會去旅行。[17]
由2014年開始定期舉辦「飛上雲霄」計劃，邀請香港小學生，參觀飛機餐製作過程、機上設施同駕駛室等，培養新一代對航空業嘅興趣，加深對業界嘅認識。
- 環境保護
香港航空採用全空中巴士機隊。有別於香港其他航空公司，呢啲飛機大多數夠新淨，採用新型設計、高效能引擎，有效減少噪音同燃油耗損。
附屬公司
[編輯]香港航空旗下設有多間附屬公司同管理部門，配合旗下業務嘅需要。
| 公司名稱 | 全資附屬／部分持股 |
|---|---|
| 香港貨運航空 （Hong Kong Air Cargo） | 全資附屬 |
| 香港航空旅遊有限公司 （HKA Holidays，港航假期） | 全資附屬 |
| 新翔(香港)有限公司 （SATS HK） | 部分持股 (51%) |
| 亞洲空運中心 （AAT） | 部分持股 (35%) |
| 泛亞太平洋航空服務公司 （PAPAS） | 部分持股 (15%) |
機隊
[編輯]香港航空機隊由全空中巴士機隊組成，當中包括A320-200、A321-200、A330-200同A330-300。
香港航空開業初期，淨係用改名前留低嘅波音737客機同埋龐巴迪CRJ客機，當時曾經計劃引入更多嘅波音737同波音787客機，但最終未能夠成事。後來喺2010年6月買咗首架A330廣體客機，同埋喺2012年1月接收咗首架A320客機。
港航曾經喺2012年買咗三部得尊貴商務艙（Club Premier，半頭等艙級別）同普通商務艙（Club Classic）嘅空中巴士A330客機（B-LNJ~B-LNL），執飛越洋同埋國內一線航線，兩年後就更改座艙安排並且取消尊貴商務艙座艙級別，同其他A330客機看齊。呢三部獨特嘅客機喺2019年封存至今，並且已經喺2024年5月正式退役。
其後港航喺2017年至2020年曾經引入A350-900客機，係港航歷來最大型嘅客機，但A350客機最後因為港航陷入財政危機及同[新冠肺炎]]爆發引致全球旅遊業冰封所影響而退出機隊。最後一部A350客機（B-LGE）喺2023年正式退役。
近年，因應經濟、旅遊市場同航點變化，港航逐步將閒置嘅A330客機退租或轉售牟利，轉而接收更多嚟自其他航空公司嘅小型客機，例如2024年5月接收首架新面孔嘅空中巴士A321-200客機（B-LPR）。
現役機隊
[編輯]-
空中巴士A320-214
B-LPL -
空中巴士A330-343X
B-LNR
_of_Hong_Kong_Airlines_(B-LPL)_at_SHA.jpg)
.jpg)
截至2024年11月，香港航空機隊平均機齡為11.4年。[18]
| 機型 | 引擎 | 代號 | 數量 | 座艙安排 | 註冊號 | 備註 | |||||||
|---|---|---|---|---|---|---|---|---|---|---|---|---|---|
| 現役 | 封存 | 訂購中 | 商務 | 經濟 | 總計 | 系列 | 現役 | 封存 | 訂購中 | ||||
| 空中巴士A320-214 | CFMI CFM56-5B4/3 |
32H | 2 | 1 | — | 8 | 144 | 152 | B-LP_ | PJ-PK | PI | — | PL-PQ、PU、PW及PX配置鯊鰭小翼； PR同隨後嘅客機嚟自多間航空公司 |
| 32S | 9 | — | 3 | — | 174 | 174 | PC-PE、PL-PQ | — | PF、PH、PV | ||||
| 空中巴士A320-232 | IAE V2527-A5 |
32Y | 1 | — | 2 | — | 180 | 180 | PT | — | PS、PY | ||
| 空中巴士A321-231 | IAE V2533-A5 |
321 | 1 | — | 3 | — | 220 | 220 | PR | — | PU、PW、PX | ||
| 空中巴士A330-223 | 普惠 PW4168A |
332 | — | 6 | — | 24 | 259 | 283 | B-LN_ B-LH_ |
— | NC-NG、NI | — | 陸續喺香港拆解緊 |
| 空中巴士A330-343X | 勞斯萊斯 Trent 772B-60 |
333 | 5 | 3 | — | 32 | 260 | 292 | NO、HH-HJ、HL | NP、NQ、HG | — | HG同隨後嘅客機嚟自海航航空集團各成員； NQ即將退出機隊 | |
| 33G | — | — | 3 | 24 | 279 | 303 | — | — | HP-HR | ||||
| 33S | 1 | — | — | 30 | 255 | 285 | NR | — | — | 前新加坡航空客機 | |||
| 總數 | 19 | 10 | 11 | ||||||||||
已退役機隊
[編輯]-
前中富航空嘅庞巴迪CRJ200ER -
波音737-800，配上香港航空舊塗裝 -
.jpg)
.jpg)
| 機型 | 數量 | 服役期 | 註冊號 | 備註 |
|---|---|---|---|---|
| 龐巴迪 CRJ-200ER | 2 | 2006-2007 | KBA、KBJ | KBA售予山東航空；KBJ售予華夏航空 |
| 龐巴迪 CRJ-701 | 1 | 2006-2008 | KBB | 轉移至印度航空 |
| 波音 737-300SF | 3 | 2010-2012 | LHM、LHN、LHO | 貨機；已售予揚子江快運航空 |
| 波音 737-800 | 12 | 2006-2013 | KBE、KBF、KBH、KBI、KBK、KBL、KBM、KBP、KBQ、KBR、KBT、KBU | KBM售予香港快運航空，其餘已退返俾海南航空 |
| 空中巴士 A320-214 | 4 | 2012- | LPB、LPF、LPG、LPH | 皆為A32H，已售予香港快運航空 |
| 空中巴士 A330-243 | 5 | 2012-2024 | LNJ、LNK、LNL、LHA、LHB | |
| 空中巴士A330-243F | 5 | 2011-2020 | LNV、LNW、LNX、LNY、LNZ | 貨機；轉移至香港貨運航空 |
| 空中巴士 A330-343X | 6 | 2012- | LNM、LNN、LNS、LNT、LNU、LHD | LNM轉移至嘉魯達印尼航空；LNT、LNU售予漢莎技術，再轉售DHL |
| 空中巴士 A350-941XWB | 6 | 2017-2023 | LGA、LGB、LGC、LGD、LGE、LGH | 轉移至泰國國際航空同海南航空 |
航點同代碼共享
[編輯]客運航點
[編輯]香港航空嘅基地係香港，航點涵蓋咗亞太地區各大嘅重點同埋一線城市。
| 國家或地區 | 目的地 |
|---|---|
 中國大陸 |
北京-首都、北京-大興、上海-浦東、上海-虹橋、南京、杭州、重慶、成都-天府、西寧、海口、三亞 |
 中華民國 |
台北-桃園、台中 |
 日本 |
東京-成田、大阪-關西、名古屋、札幌-新千歲、福岡、熊本、鹿兒島、仙台（2024年12月18日開辦）、沖繩 季節性：米子、函館 |
 韓國 |
首爾-仁川 |
 泰國 |
曼谷-蘇凡納布、布吉、清邁 |
 越南 |
峴港 |
 印尼 |
登巴薩 |
 老撾 |
永珍 |
 馬爾代夫 |
季節性：馬累 |
 北馬利安納羣島 |
塞班 |
 澳洲 |
季節性：黃金海岸（2025年1月17日復辦） |
包機航點
[編輯]| 國家或地區 | 目的地 |
|---|---|
| 中國大陸 |
敦煌 |
 帛琉 |
帛琉 |
代碼共享航點
[編輯]香港航空同以下呢啲航空公司／客輪公司簽訂咗代碼共享。受惠於協議，旅客只需要通過官方網站或者熱線中心完成一次訂票手續，就即時可以同時預訂聯營航班。
搭香港航空喺北京首都國際機場轉機海南航空往返北美洲同歐洲嘅旅客，可以喺首都機場使用海南航空嘅中轉旅客貴賓室。貴賓室提供輕便小食、飲品、會議及商務區域，同埋睡眠區域，使用貴賓室嘅旅客可以同時享受免費行李寄存嘅服務。
參考
[編輯]- ↑ Hong Kong Airlines is certified as a 4-Star Airline | Skytrax
- ↑ "Hong Kong Airlines Awarded SKYTRAX World's Best Improved Airline". 原著喺2022-06-16歸檔. 喺2020-07-29搵到.
{{cite web}}: Unknown parameter|dead-url=ignored (|url-status=suggested) (help) Wayback Machine嘅版面存檔備份 - ↑ "Hong Kong Airlines garners "Asia's Leading Inflight Service 2015" at the internationally renowned "World Travel Awards"". 原著喺2022-01-22歸檔. 喺2020-07-29搵到.
{{cite web}}: Unknown parameter|dead-url=ignored (|url-status=suggested) (help) Wayback Machine嘅版面存檔備份 - ↑ "Hong Kong Airlines receives Gold Certificate in IATA Fast Travel implementations". 原著喺2022-01-18歸檔. 喺2020-07-29搵到.
{{cite web}}: Unknown parameter|dead-url=ignored (|url-status=suggested) (help) Wayback Machine嘅版面存檔備份 - ↑ 民航處頒發許可證予首間營運支線飛機的本地航空公司
- ↑ 〈入股中富失敗 泰國東方擬於香港自立門戶〉。原著喺2016年9月14號歸檔。喺2017年2月12號搵到。
- ↑ CR Airways HK To Order 787 & 737 Dec 20
- ↑ 中富航空正在就購買波音飛機一事進行談判
- ↑ 〈新大股東蒙建強中資背景強 中富航空控股權易手〉。原著喺2017年3月29號歸檔。喺2017年2月12號搵到。
- ↑ 香港航空改購15架A350 XWB客機
- ↑ 〈香港航空加強優勢積極發展區域航線 專注提升服務水平〉。原著喺2021年2月13號歸檔。喺2017年2月12號搵到。
- ↑ 〈港航縮空中巨無霸定單〉。原著喺2021年2月12號歸檔。喺2017年2月12號搵到。
- ↑ 〈香港航空與機管局就分租土地興建飛行培訓中心簽訂協議〉。原著喺2021年2月12號歸檔。喺2017年2月12號搵到。
- ↑ 耗資百億中場客運廊如期落成啟用
- ↑ 香港航空：詠春突出港形象[失咗效嘅鏈]
- ↑ 〈香港航空贊助港隊往返倫敦出戰殘奧〉。原著喺2016年3月5號歸檔。喺2017年2月12號搵到。
- ↑ 基層120童免費遊海南
- ↑ "Hong Kong Airlines fleet list at planespotters.net". 原著喺2019-04-28歸檔. 喺2019-08-14搵到.
{{cite web}}: Unknown parameter|dead-url=ignored (|url-status=suggested) (help) Wayback Machine嘅版面存檔備份
連出去
[編輯]
 |
 |