韓紅

韓紅
女歌手
原名	韓紅
羅馬拼音	Han Hong
別名	央金卓瑪
國籍	中華人民共和國
民族	漢藏混血
籍貫	山東省德州市
出世	(1971-09-26) 1971年9月26號 中國西藏自治區昌都地區昌都縣（依家嘅昌都市卡若區）
職業	歌手
活躍年代	1997年－依家

韓紅（粵拼：hon4 hung4；簡化字：韩红；英文：Han Hong；1971年9月26號—），藏名央金卓瑪（藏文：དབྱངས་ཅན་སྒྲོལ་མ，藏拼：Yangjian Zhuoma，威利轉寫：dbyangs can sgrol ma），喺中國西藏昌都市卡若區出世，祖籍山東德州，少年喺北京城大，阿爸係漢族知青同相聲演員，阿媽係藏族歌手雍西。佢係中國知名嘅少數民族女歌手，中央國家機關青聯常委，創作型唱將，空軍少校軍銜。韓紅係空軍政治部文工團副團長，全國政協委員、全國青聯常委、中華海外聯誼會理事。韓紅同夢鴿、譚晶、許飛被叫做李雙江「四大關門女弟子」。2014年12月，加盟湖南衛視《我是歌手》第三季、為首發歌手，喺3月27號總決賽攞咗歌王。

生平

韓紅阿爸早死，同阿媽經常登台演出，9歲後去北京同嫲嫲、叔叔相依為命。佢因為體型粗胖，考唔到文藝兵，反而成為通信兵，所以自學彈結他同打鼓。即使係咁，佢參加各項軍內歌唱比賽都冇得名，呢個情況持續十幾年，2005年，阿嫲去世後，因為都經常登台，每年過年都喺唔同地方度過。1988年佢進入歌壇。1995年，因為親友幫手而錄製《喜瑪拉雅》。1997年底，遇見張越，喺《半邊天》嘅《別為你的相貌發愁》一集演唱。之後，佢再借助親友幫手，推出咗首張個人專輯《雪域光芒》。2003年後，佢逐漸受到關注，多次攞過各種「年度最受歡迎女歌手獎」同「最佳女歌手獎」，成為中國大陸最紅嘅女歌手之一。2009年9月，佢被特招入伍，加入空軍政治部文工團，專業技術五級，任空軍政治部文工團副團長。

1999年10月3號喺貴州馬嶺河風景區，正在運行嘅纜車突然墜毀，喺纜車墜落嘅嗰一刻，車廂內來自南寧市嘅潘天麒、賀艷文夫婦，不約而同地用力將年僅2歲半嘅仔潘子灝高高舉起。結果佢只係嘴唇受輕傷，而佢嘅雙親就先後死咗。呢場令潘子灝變成孤兒呢個生命嘅故事，深深打動咗韓紅，經過多方聯繫，佢領養咗呢個大難不死嘅細路。

2010年11月28號，韓紅喺去緊舟曲泥石流災區嘅途中，遭遇車禍，所乘坐嘅越野車翻滾至路邊嘅溝中，好彩冇人傷亡。韓紅話，之所以未受到嚴重嘅傷害，係因為佢扣咗安全帶。

韓紅熱衷於慈善事業，2007年發起「愛心西藏行」等公益活動，2008年5月14號成立「韓紅愛心救援團隊」去汶川災區支持救援，2012年5月9號註冊成立咗韓紅愛心慈善基金會。

2014年12月，加盟湖南衛視《我是歌手》第三季、為首發歌手，喺3月27號總決賽攞咗歌王。2015年12月7號11點19分，韓紅喺微博發布一張自己嘅軍裝照，同埋表示「離開」（離開軍隊。經證實佢已經轉行）。

2016年1月，宣佈加盟香港嘅華星唱片轉戰香港樂壇，隔咗六年再出新專輯，並表明會嘗試唱廣東歌。重講佢識唱《浮誇》、《海闊天空》兩首廣東歌。1月9號，去臺北小巨蛋錄製農曆新年除夕特別節目《2016超級巨星紅白藝能大賞》，演唱《天天想你》、《我愛故我在》，係出道幾年首次喺台灣演出。

2020年2月，就喺韓紅愛心慈善基金會支援受武漢肺炎影響嘅疫區嗰陣，微博大V「司馬3忌」向北京市民政局舉報嗰個組織冇公開3億元對外投資款項嘅去向，同埋喺2019年8月冇攞到公募資格前違規開展募捐活動等四宗罪，官方部門而家受理調查緊。

《我是歌手》第三季

2014年12月，加盟湖南衛視《我是歌手》第三季、為首發歌手，喺3月27號總決賽攞咗歌王。

我是歌手第三季 韓紅競演排名
期數	輪數	播出日期	演唱歌曲	原唱	歌曲介紹	排名	得票率	出場序	備註
1	第一輪排位賽	1月2號	《天亮了》	韓　紅	詞／曲：韓　紅 編曲：劉　洲	1	22.42%	7	個人最高排名 歌手互投第1名
2	第一輪淘汰賽	1月9號	《梨花又開放》	周　峰	詞：丁小齊 曲：因幡晃 編曲：譚伊哲	2	19.42%	1	歌手互投第2名 兩場總成績第2名
3	第一輪踢館賽	1月16號	《往事隨風》	齊　秦	詞：許常德 曲：涂惠源 編曲：劉　洲	2	不詳	5	歌手互投第2名
4	第二輪排位賽	1月23號	《莫尼山》（國語／蒙語）	額爾古納樂隊	詞：呂燕衛 曲：瑪西巴圖 編曲：秦萬民	1	20.05%	7	個人最高排名 歌手互投第1名
5	第二輪淘汰賽	1月30號	《海闊天空》	信樂團	詞：姚若龍 曲：崔浚榮 編曲：韓　紅、許　明	6	11.20%	4	個人最低排名 兩場總成績第3名 20組第5名
6	第二輪踢館賽	2月6號	《你是這樣的人》	劉　歡	詞：宋小明 曲：三　寶 編曲：阿　鯤	6	不詳	2	個人最低排名 歌手互投第1名
7	第三輪排位賽	2月13號	《回到拉薩》	鄭　鈞	詞／曲：鄭　鈞 編曲：金武林、許　明	2	18.18%	6	歌手互投第2名
8	第三輪淘汰賽	2月20號	《橄欖樹》	齊　豫	詞：三　毛 曲：李泰祥 編曲：胡彥斌、谷　粟	3	14.80%	1	歌手互投第1名 兩場總成績第2名 50組第1名
9	第三輪踢館賽	2月27號	《故鄉的雲》	文　章	詞：小　軒 曲：譚健常 編曲：金武林、許　明	2	18.69%	5	獲得232票 歌手互投第1名
10	第四輪排位賽	3月6號	《我很醜可是我很溫柔》	趙　傳	詞：李格弟 曲：黃韻玲 編曲：劉　洲	6	11.02%	1	個人最低排名同得票率 歌手互投第2名
11	第四輪淘汰賽	3月13號	編曲：金武林			4	12.53%	3	歌手互投第3名 兩場總成績第5名 晉級總決賽
			《紅薔薇》	正午陽光	詞／曲：王　寶
			《Подмосковные вечера》	蘇俄民歌	詞：Mikhail Matusovsky 曲：Vasily Solovyov-Sedoi
12	突圍賽	3月20號	首發歌手進入總決賽
13	總決賽第一輪	3月27號	《十年》	陳奕迅	詞：林　夕 曲：陳小霞 編曲：梁翹柏	1	不詳	7	個人最高排名 幫唱嘉賓：陳奕迅 晉級第二輪
	總決賽第二輪		《天路》	韓　紅	詞：屈　塬 曲：印　青 編曲：金武林、劉　洲	1	44.35%	5	個人最高排名同得票率
14	2015巔峰會	4月3號	《一杯美酒》	維吾爾族民歌	詞：艾克拜爾 曲：佚　名 編曲：劉　洲	—		12	—
			《樓蘭姑娘》	俞　靜	詞：楊海潮、付　林 曲：付　林 編曲：劉　洲
我是歌手第四季總決賽		4月8號	《給所有知道我名字的人》	趙　傳	詞：李宗盛 曲：劉天健 編曲：劉　洲	返場表演		8	同第一季、第二季歌王演出
2016雙年巔峰會		4月15號	《If You》	BIGBANG	詞：G-Dragon 曲：G-Dragon、P.K、DEE.P 編曲：梁翹柏、達日丹	—		12	—
2017巔峰會		4月22號	《山丘》	李宗盛	詞／曲：李宗盛 編曲：曲世聰	—		7	—

音樂

專輯

主要專輯：《我愛故我在》《聽我的聲音》《雪域光芒》、《醒了》、《歌唱》、《喜瑪拉雅》、《情人》、《紅》、《最紅》、《感動》、《樹輝》、《我是誰》、《紅歌匯》

現場演出

• 2003年唱紅平安夜北京演唱會。
• 2005年唱紅上海灘上海演唱會。
• 2006年無錫演唱會。
• 2008年參加迎奧運歌曲《北京歡迎你》嘅錄制，同群星合作並參加奧運倒計時100日晚會。
• 2008年同香港歌手劉德華喺鳥巢現場合唱北京殘奧會主題歌《和夢一起飛》。
• 2012年北京演唱會。
• 2014年最美和聲2（總導演）
• 2015年1月，加盟《我是歌手》第三季，喺3月27號嘅總決賽，韓紅獲得呢季歌王。
• 2016年5月7號開播嘅湖南衛視節目《我想和你唱》，韓紅任音樂爬梯主人，同主持人汪涵組成「涵韓組合」。

主唱MV

• 2016年 《山水貴客》 貴州衛視

電視節目

• 2013年：東方衛視《中國夢之聲第一季》
• 2014年：北京衛視《最美和聲第二季》
• 2014年：東方衛視《中國夢之聲第二季》
• 2015年：湖南衛視《我是歌手 (第三季)》
• 2016年：湖南衛視《我想和你唱 (第一季)》
• 2017年：湖南衛視《我想和你唱 (第二季)》
• 2018年：湖南衛視《我想和你唱 (第三季)》

爭議

微博爆粗

2011年12月29號夜晚，韓紅更新微博，話佢依家睇緊張藝謀導演嘅電影《金陵十三釵》，微博字入面行間難掩激動之情，甚至爆粗口鬧日本人，韓紅話會同日本人永世為敵，同發誓從2011年12月29號開始拒絕使用日貨。網絡都掀起咗「韓紅罵日本人到底是愛國主義與否」嘅辯論。大部分網友持支持態度，盛讚韓紅嘅做法，但亦有網友話公眾人物都係應該冷靜講嘢。

違反交規

2013年8月2號，有網友爆料話，喺北京西北四環發現一架無牌照嘅百萬級黑色法拉利跑車，經辨認司機係歌手韓紅。當日韓紅邊揸跑車邊打電話，唔少網友指出韓紅已嚴重違反交通法規。8月2號夜晚，韓紅喺自己微博公開道歉。8月3號，又因涉嫌挪用牌照被民警當場查獲，根據道交法第96條第3款規定，東城交通支隊依法對佢處以5000元罰款，同移交所在單位進一步處理。

炒作風波

2014年9月21號夜晚，《中國夢之聲》第二季首期節目入面，曾經係話劇社「開心麻花」學員嘅「歡快男生」組合，以流浪歌手嘅身份企上舞台，同講述喺地鐵賣唱嘅辛酸故事時，了解2人經歷嘅韓紅對選手嘅履歷當場提出質疑，同將2人逐出舞台。呢個行為引發網民熱烈討論，同質疑「節目組為賺收視有意為之」。對此，佢喺微博回應：「無愧於心，我堅持不造假。」

出面網頁

• 韓紅嘅新浪微博