陳宮

陳宮，字公台，兗州東郡武陽縣人。先係曹操個度做嘢，後尾投靠呂布，曹操打敗呂布後將陳宮處死。

生平

陳宮原本係兗州牧曹操嘅手下，由於對曹操因為私仇而殺害邊讓感到不滿，於是喺曹操攻打徐州時說服陳留太守張邈發動叛變，迎接呂布為新嘅兗州牧。但呂布最後都係打唔贏曹操，被曹操趕出兗州。建安三年，曹操喺下邳圍攻呂布，呂布手下侯成、魏續同埋宋憲發動叛變，將陳宮捉咗畀曹操，陳宮同呂布、高順一齊被曹操處死。