迷你倉

迷你倉

迷你倉，又叫迷你自存倉，嚮黃頁分類叫自存倉，係一類B2C生意，儲存物件小型倉庫。客人係一般市民，佢哋屋企唔方便，或者因為地方太細，搬屋、裝修咁嘅原因，要將重有價值嘅日用品，暫時記存嚮第三者地方，咁當然要交租金。換嚟服務係一個交通方便臨時儲物空間，24小時有保安環境，定期找數、報告通訊，或自動轉賬。

迷你自存倉呢盤生意可以同停車場比較，合約有免責條款同埋法律權利同義務。比如或有第三者責任、水險、火險咁。

另外亦有包運送嘅迷你倉服務，叫做上門迷你倉（迷你箱），供應商通常會提供用件數同呎數計算嘅計劃。

有啲迷你自存倉話可以儲存古玩、藝術品、屋契、有價證券咁。要睇客人有幾大信心，生意人有乜誠信服務承諾咁。迷你倉唔似銀行保險箱，因為迷你自存倉係有限公司法團，面對俾人告，責任有限，可能清盤走人。