詩學

  呢篇文講講學問。想搵亞理士多德著作嘅話，請睇詩論。

拉丁文譯亞理士多德詩論

亞刺伯文繙亞理士多德詩論

文心雕龍研究華夏詩文成論

詩學，學問一門，專門研究詩，又或推而廣之，去到種種文章，亦叫詩論。研究寫詩寫文種種原理，分辨特色，睇語言，睇形式，睇類別，睇作法。

呢門至初出自亞里士多德，佢有本詩論，探討詩美學，收集自佢講學。分三部，講悲情詩，講敍事詩，同歡喜詩。歡喜詩對佢來講當時新出現，不過依部已失傳。本人同門生，都唔認為呢個完整作品，祇為講學集，而且佢亦未有見到其他形式，亦難以完整。之不過，後世西方詩學就以佢為基礎。

詩學着重詩文內在，而非世間種種學問關連。亦唔過問詩文內容意思，反而睇重形式同功用。西方詩好似做戲咁，睇橋段，模仿動作。華夏日本咁就好唔同，詩唔着演，反之着重措辭，着重感動。

除咗亞里士多德咁分析法，後世有形式主義，亦有表現主義。不過時興又返去亞里士多德嗰邊。

對比起西方詩論，劉勰文心雕龍，綜合古詩古文，評論、分析、歸納、同埋寫作理論，成為系統。