芙蓉區
28°11′7.9″N 113°1′54.1″E / 28.185528°N 113.031694°E
| 芙蓉區 | |
|---|---|
| 明細 | |
| 普通話拼音 | Furong |
| 所屬地級政區 | 長沙市 |
| 政區類別 | 市轄區 |
| 成立 | 1996年7月10號 |
| 政府駐地 | 人民路 |
| 首長 | 于新凡 |
| 面積 | |
| - 全部 | 42 km2（16 sq mi） |
| 街道辦事處數目 | 13 |
| 人口（2013） | 60萬 |
| 本地生產總值（2013） | 868.1億人民幣人民幣 |
| 郵政編碼 | 410016 |
| 電話區號 | +86 (0)0731 |
| 時區 | 中國時區：UTC+8 |
| 網站： 芙蓉區府 | |
芙蓉區
 |
芙蓉（粵拼：fu4 jung4）係中國湖南省長沙市嘅市轄區，喺長沙市中心嘅西部。東有長沙縣，北有開福區，南有雨花區，西有天心區。面積42km²，人口60幾萬（2013年）。1996年7月10號成立，繼承自原來嘅東區。2013年GDP爲868.1億人民幣。區治喺東屯渡街道嘅人民路。
史
[編輯]區名出自毛澤東嘅詩詞「洞庭波湧連天雪，長島人歌動地詩。我欲因之夢寥廓，芙蓉國裏盡朝暉」。所謂「芙蓉國」係湖南嘅古時美名，因為嗰時湘江邊都係木芙蓉，開花時好靚而得噉嘅雅號。
芙蓉區係長沙嘅市中心，因為長沙係中國少有嘅未喐過城池位置嘅古城，所以呢度歷代係長沙郡、府、縣、市嘅治所。而區內嘅遺址、舊宅、老街、名店好多，其中馬王堆漢墓、走馬樓吳簡呢啲驚世考古發現都喺區內出土。而長沙作為舊時中國四大米市之首，呢度亦係好耐歷史嘅商業區。[1]
1996年7月10號長沙市區大調整，芙蓉區就呢時成立，總體上繼承咗東區（東區有9條街道──朝陽、都正街、府後街、韭菜園、瀏正街、五里牌、文藝路、解放路、人民路。其中人民路街道重籌建緊，因為東區撤銷所以無正式成立），外加郊區嘅馬王堆、東岸兩個鄕，同埋火星鎮、東屯渡農場。
1998年9月18號，馬王堆鄕、火星鎮、東屯渡農場都改爲同名街道。
2012年又再調整轄下街道：瀏正街、都正街、解放路、府後街四條街道合併做定王臺街道；馬王堆街道分出個荷花園街道；東屯渡、火星、湘湖、五里牌、韭菜園呢五條街道嘅範圍變咗；東岸街道分出咗馬坡嶺、東湖兩個街道。[2]
政區
[編輯]芙蓉轄13條街道、1個正縣級單位。
註
[編輯]- ↑ 〈芙蓉之窗：芙蓉區情〉。原著喺2014年4月6號歸檔。喺2014年4月3號搵到。
- ↑ 〈芙蓉之窗：芙蓉區部分街道行政區劃調整〉。原著喺2013年12月17號歸檔。喺2014年4月3號搵到。
