章邯（粵拼：zoeng1 hon4，—前205年），係秦國將軍。喺陳勝同吳廣發動大澤之變之後，章邯率領秦軍打低周章、田儋、魏咎、鄧說、伍徐、田臧、李歸、蔡賜、陳勝、項梁等人。喺前207年鉅鹿之戰，蘇角、王離被楚將項羽諸侯聯軍擊敗後，章邯率秦軍向項羽投降。秦國滅亡後，項羽自立為西楚霸王，將關中封畀章邯同佢嘅部將司馬欣、董翳（史稱三秦），章邯為雍王，定都廢丘。楚漢相爭期間，漢王劉邦喺關中展開三秦戰役，章邯畀漢軍打低，最後自刎而死。
