心理測驗

心理測驗（粵拼：sam1 lei5 caak1 jim6；英文：psychological testing）喺最嚴格嘅心理學研究上係指一啲可以用嚟量度心理特性嘅工具。心理測量學上嘅心理測驗會俾心理學家用嚴謹嘅方法評定佢哋嘅信度（reliability）同效度（validity），覺得掂先可以用。

設計流程

睇埋：心理測量學

設計一個心理測驗嘅基本步驟如下：

• 定義要量度嘅建構（construct；指一柞頗此之間相關嘅行為，例如「答啱數學問題」同「答啱語言問題」都係智能嘅體現），然後基於已知嘅理論，諗吓呢個建構可以點樣量度；一般心理學同社科上都會係俾一柞題目受試者答。
• 實際攞數據－搵班受試者返嚟，要佢哋答個測驗嘅問題；攞到數據之後就做因素分析同計卡隆巴系數（睇上面），睇吓受試者喺啲題目上嘅得分係咪真係好似預想中嘅噉；即係例如整一個智商測試（量度智能嘅心理測驗），攞完數據之後做因素分析，睇吓啲得分係咪真係成預想中「測試邏輯能力嘅題目分數成一個因素、測試語言能力嘅題目分數成一個因素...」噉嘅因素結構。
• 按照呢啲統計分析嘅結果，執靚個測驗佢，例如如果有某啲題目唔靚、統計分析發現佢唔能夠被歸做任何一個因素，噉就將條題目由個測驗嗰度攞走。
• 用各種方法評估個測驗嘅信度同效度（睇下面）。
• 如果個測驗達標（卡隆巴系數夠靚，而且過到嗮其他信度同效度測試... 等等），噉就攞去發表。

評估方法

• 信度（reliability）
• 效度（validity）

睇埋

• 心理測量學