巴拉巴

巴拉巴（天主教譯：巴辣巴）係《新約聖經》記載嘅一名強盜，可能其實只係一個普通罪犯。彼拉多想釋放耶穌，就畀猶太人喺耶穌同巴拉巴兩個之中揀一個釋放。大家因為受到祭司嘅壓力而揀咗釋放巴拉巴，要求將耶穌釘十字架。彼拉多雖然認定耶穌無罪，仍判耶穌死刑，而將巴拉巴釋放。呢件事件喺四卷福音書中都有記載。