大埔墟

呢度講大埔市區，其他意思，睇大埔墟 (搞清楚)。

廣福道，係大埔墟嘅大街

大埔墟（Tai Po Market），卽大埔市區，係香港一地，喺大埔。大埔墟指時唔同，別有所指，早年指家下大埔舊墟，後尾指太和市。家下指太和市、公園仔、運頭角西部、六鄉樓同大埔綜合大樓一帶，有時包埋寶湖花園同大埔中心林村河南地。大埔墟同大埔新區，隔住條林村河。而過九廣鐵路，就係泮涌。

墟以廣福道爲大街，舊時亦叫大埔大街，查實係大埔公路一段仔。舊時九廣鐵路嘅大埔墟火車站近太和市，車站因以爲名，家下搬遠到運頭角北，大埔河邊。