古巨龜（學名：Archelon，又名帝龜、古海龜、恐龜、擬龜或祖龜）係一屬絕咗種嘅海龜，亦係史上最大嘅海龜。佢哋同家下嘅稜皮龜相似，都係喺大海入面生活嘅龜。
最大嘅古巨龜化石係喺1970年代喺南達科他州皮耳頁岩發現，長度超過4.1米（13.5呎），鰭狀肢之間距離闊4.9米（16呎），估計係屬於7,000萬年前嘅白堊紀，當時北美洲中央係由一層比較淺嘅海（西部內陸海道）覆蓋住。古巨龜嘅重量估計超過2,200公斤。
