區 (中華民國)

中華民國行政區
省（虛級化）					直 轄 市
縣				市
山 地 鄉	鄉	鎮	縣 轄 市	區		原 住 民 區
村		里
鄰
相關行政區 臺灣日治時期 中華民國大陸時期 原中華民國公告疆域

區係中華民國嘅行政區劃類型之一，係直轄市同市（前身「省轄市」）下面嘅行政區。其層級同縣下面嘅鄉、鎮同縣轄市一樣，但佢未有地方自治團體身分；其衍生變體——直轄市山地原住民區例外，佢喺2014年12月25號改制為地方自治團體、具有公法人地位。

直轄市同市區長，一般由所屬之直轄市或者係市長指派，只有「區公所」作為行政機關（依法係直轄市／市政府之派出機關），不設「區民代表會」立法機關；作為例外嘅直轄市山地原住民區，喺2014年12月25號改制為地方自治團體後，由區民選舉區長，仲設置區民代表會，由區民選舉區民代表會代表。所以區管里，里管鄰。

鄰

「鄰」係村里之下嘅行政編組，唔特別命名，以數字編號。鄰長通常唔需要經過選舉，主要係村 (里) 長指派，之後由鄉鎮市區公所聘僱嘅義務職位，冇辦公室同埋行政人員同經費補助，主要工作內容係協助村 (里) 長，每個鄰嘅規模有10戶至2百戶。係行政區劃編組，唔係基層嘅地方自治單位。