六二三路

性質：	主幹道
全長：	1.4175公里
行車線：	雙向4車道
地區：	廣州市荔灣區
起點：	黃沙大道同叢桂路嘅交界（珠江隧道口）
終點：	鎮安路同西堤二馬路、沿江西路嘅交界（人民橋嘅北邊）
主要建築：	廣州市中醫院; 清平中藥材市場; 黃沙碼頭

	; 六二三路（西往東望）
性質：	主幹道
全長：	1.4175公里
行車線：	雙向4車道
地區：	廣州市荔灣區
起點：	黃沙大道同叢桂路嘅交界（珠江隧道口）
終點：	鎮安路同西堤二馬路、沿江西路嘅交界（人民橋嘅北邊）
主要建築：	廣州市中醫院; 清平中藥材市場; 黃沙碼頭

六二三路（粵拼：luk6 ji6 saam1 lou6）係廣東廣州荔灣區嘅主幹道^{[未記出處或冇根據]}。條路沿住沙基涌北岸（南岸係沙面），路線好似個符號「┏┓」噉，西邊從黃沙大道（珠江隧道口）同叢桂路嘅交界開始，一直向東去到鎮安路、西堤二馬路同沿江西路嘅交界。

概要

全長1417.5米，闊20——36米，雙向4車道。馬路嘅南邊重有條內環路接住。

名

呢條馬路係喺1925年嗰陣，廣州市政府就整咗呢條馬路出嚟。喺改名嗰陣就嗌咗「六月二三路」嘅名。而呢個名係為咗悼念1925年6月23號嘅沙基慘案。

沙基慘案

其實呢度之前係個沙基嚟嘅，喺第二次鴉片戰爭嗰陣，由於英國軍隊同法國軍隊一齊殺到廣州，結果就攞咗個沙面出去，而沙基涌嘅北邊就啤啲軍隊睺住嗮，唔畀啲中國人入去。而喺19世紀底，英國同法國嘅軍隊就响依家嘅沙面度起咗一大堆學堂、醫館、印務所同米埠呢啲建築，重越嚟越犀利添。到咗1901年嘅黃沙粵漢鐵路總站落成咗之後後，沙基度重係將廣州城同車站連埋一齊嘅其中一條通道。聽話佢哋唔想被鬼佬闔，結果廣州市政府重話：「如估响沙基度起嘅屋，重要有一定嘅規模先至得。」到咗1902年，英國軍隊重想攞埋沙基嗰度，清政府嘅朝廷話唔畀。

就係噉，到咗1925年6月23號，廣東入面嘅各界代表就去咗東較場度辦咗個五卅慘案大會，喺大會結束咗之後，就爆發咗單遊行示威，大嗌「抗議」都有。就喺嗰日晏晝，喺嶺南大學、坤維女子師範學校、聖心書院、重有執信同廣州第二小學嘅學生、同埋黃埔軍校嘅學生都嚟嗮沙基度，結果就喺沙面嘅西橋隔離嘅域多利酒店（依家係勝利賓館）入面，其中有位鬼佬先用咗手槍，向咗尐遊行隊伍鉼咗第一槍先，後嚟喺已經戒嗮嚴嘅沙面嘅西橋橋腳（沙面入面）度嘅英法軍隊，即刻亂槍猛咁鉼鉼鉼。最後搞到示威隊入面，挾埋有61個人死咗，重有170幾個人受咗傷。

而發生咗呢單慘案之後，喺1925年6月28號嘅國民黨廣州市特別黨部大會入面，其中國民黨嘅左派人士——陳其瑗就話：「唔該廣州市政府將個沙基改名嗌『六月二三路』，好唔好？」結果，呢個名就冇人反對，重通過埋添，所以呢條馬路咪嗌咗「六月二三路」嘅名喇。而「六二三路」嘅名就係喺1926年嗰陣改嘅。^{[未記出處或冇根據]}

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

特色

呢條馬路嘅南邊隔條河就睇到個歐陸風情嘅沙面島，北邊重有尐歐陸風格嘅騎樓建築响度。

歇後語

喺廣州有句歇後語，「沙基睇相，第位」。^[1]「沙基」就係喺呢度。

參考

↑ 市井旧闻：沙基睇相互聯網檔案館嘅歸檔，歸檔日期2016年3月8號，.，2007-02-19，羊城晚報

連出去

沙基惨案发生地及纪念碑廣州黨史
广州六二三路勿忘国耻圖驥網
六二三路花城網百科
今昔广州(沙基涌) 新浪新聞中心
六二三路，中药材飘香羊城晚報（2011年9月28號）

23°06′41″N 113°14′22″E / 23.1114°N 113.2395°E / 23.1114; 113.2395

[1] 市井旧闻：沙基睇相互聯網檔案館嘅歸檔，歸檔日期2016年3月8號，.，2007-02-19，羊城晚報

[1]

睇傾改廣州主幹道
打橫	廣園路 – 環市路 – 天河路 – 中山大道 – 東風路 – 中山路 – 黃埔大道 – 鶴洞路 – 昌崗路 – 新港路 – 新滘路
打掂	雲城路 – 康王路 – 工業大道 – 人民路 – 機場路 – 解放路 – 廣州起義路 – 江南大道 – 白雲大道 – 下塘西路 – 童心路 – 小北路 – 倉邊路 – 農林下路 – 東湖路 – 東曉路 – 廣州大道 – 科韻路 – 開發大道 – 番禺大道 – 車陂路 – 大觀路 – 匯彩路
其它主幹道	黃石路 – 增槎路 – 南岸路 – 黃沙大道 – 六二三路 – 沿江路 – 雙橋路 – 西灣路 – 西槎路 – 荔灣路 – 三元里大道 – 先烈路 – 禺東西路 – 燕嶺路 – 天潤路 – 寺右新馬路 – 花城大道 – 臨江大道 – 濱江路 – 寶崗大道 – 南洲路 – 芳村大道 – 花地大道 – 龍溪大道 – 開創大道
高架路	人民路高架橋 – 東濠涌高架橋 – 東曉南高架橋 – 同德圍南北高架橋
隧道	珠江隧道 – 洲頭咀隧道 – 崙頭-生物島-大學城隧道 – 如意坊隧道* – 康王路隧道*
環線	內環路 – 城市快捷路 – S81 – G15₀₁（北二環 – 西二環、東二環、南二環） – G94（北三環 – 肇花高速）
快速路	– S102 – S105 – 新光快速路 – 新化快速路
高速公路	G4 – G4₂₁ – G4₂₃ – G4₂₅ – G15 – G35 – G45（街北／大廣粵境） – G55 – G94₁₁ – S1 – S2 – S3 – S4 – S5 – S6 – S8 – S14* – S15 – S16 – S18 – S20* – S29 – S39 – S41 – S43 – S47* – S55
國道	G105（廣從公路） – G106 – G107（黃埔東路、廣深大道） – G321 – G324（廣佛公路、廣汕公路） – G325（市良路）
註：*號表示起緊或規劃緊嘅馬路