佛山地鐵2號綫
| 佛山地鐵2號綫 | |
| File:FSM Line 2 icon.svg | |
| 概覽 | |
|---|---|
| 營運地區 | 中華人民共和國，佛山，廣州 |
| 服務類 | 城市軌道交通 |
| 線路類 | 市域快速鐵路 |
| 線路長 | 32.4km |
| 車站總數 | 17 |
| 軌道標準 | 1435mm |
| 列車偏組 | 6輛編組B型列車 |
| 營運資訊 | |
| 營運時期 | 2021年12月28號～而家 |
| 營運單位 | 中国交通建设股份有限公司 |
佛山地鐵2號綫係佛山地鐵綫之一，2021年12月28號開始營運。呢條綫路由中國交建等3間公司組成嘅聯合體負責融資、建設同運營，以「BOT+TOD+EPC」嘅融資開發方式嚟起。
綫路
[編輯]佛山地鐵2號綫首期工程西起南莊，東到廣州南站，由西往東橫跨佛山禪城區、順德區、南海區以及廣州番禺區。首期全長32.41km，其中高架段6.4km，地下段25.3km，過渡段0.7km。
綫路設置車站17座，其中地下車站14座，高架站3座，換乘站10座，平均站距2.01km，最大站距4.05km（花卉世界-仙涌），最細站距0.99km（石梁-灣華）。
全綫設灣華控制中心，設灣華同花卉世界主變電所。
走向
[編輯]首期綫路由南莊站開始，沿紫洞路向北行一段後轉向東，沿著季華路行到石灣公園後，下穿公園行上鎮中路同魁奇路，到咗南海大道口後轉向南，喺佛陳大橋東側下穿東平水道之後，沿佛陳路、文登路同林岳大道行落去，喺海怡大橋南側轉向東南，到達終點站廣州南站。
車站
[編輯]佛山地鐵2號綫依家開通咗呢啲車站：
| F2 11 | 南莊 | Nanzhuang | 2021年12月28號 | 地下島式車站 | 禪城 | ||
| F2 12 | 湖涌 | Huchong | 地下島式車站 | ||||
| F2 13 | 綠島湖 | Lvdao Lake | 地下島式車站 | ||||
| F2 14 | 智慧新城 | Zhihui Xincheng | 地下雙島式車站 | ||||
| F2 15 | 張槎 | Zhangcha | 地下雙島式車站 | ||||
| F2 16 | 石灣 | Shiwan | 地下島式車站 | ||||
| F2 17 | 沙崗 | Shagang | 地下島式車站 | ||||
| F2 18 | 魁奇路 | Kuiqilu | 地下雙層側式車站 | 1 | 站廳換乘 | ||
| F2 19 | 石梁 | Shiliang | 地下島式車站 | ||||
| F2 20 | 灣華 | Wanhua | 地下西班牙式車站 | 3 | 十字換乘 | ||
| F2 21 | 登洲 | Dengzhou | 地下島式車站 | 順德 | |||
| F2 22 | 花卉世界 | Flower World | 地下島式車站 | ||||
| F2 23 | 仙涌 | Xianchong | 高架側式車站 | ||||
| F2 24 | 石洲 | Shizhou | 高架側式車站 | ||||
| F2 25 | 林岳西 | Linyue Xi | 高架雙島式車站 | 南海 | |||
| F2 26 | 林岳東 | Linyue Dong | 地下島式車站 | ||||
| F2 27 | 廣州南站 | Guangzhou South Railway Station | 地下島式車站 | 廣州 2722 |
通道換乘 | 番禺 |
換乘站
[編輯]2號綫首期設置換乘站10座。
- 綠島湖站：換乘7號綫。
- 智慧新城站：換乘4號綫同14號綫。
- 呢個站入邊2號綫同4號綫係平行同台換乘；由於14號綫係遠期綫路，車站建設時未作預留。
- 張槎站：換乘4號綫。
- 呢個站係平行同台換乘。
- 石灣站：換乘5號綫。
- 呢個站係T形節點換乘。
- 魁奇路站：換乘1號綫。
- 呢個站係十字島側換乘，2號綫喺負一層，係側式車站。
- 灣華站：換乘3號綫。
- 呢個站係十字節點換乘，2號綫部分係一島兩側車站。
- 花卉世界站：換乘6號綫。
- 呢個站係T形節點換乘。
- 石洲站：換乘10號綫。
- 林岳東站：換乘11號綫。
- 廣州南站：換乘廣州2號綫、廣州7號綫同廣州22號綫。
- 2號綫車站喺西廣場，同廣州嘅綫路都係長通道換乘。
車場
[編輯]- 首期喺林岳西站南側設林岳綜合維修基地，喺湖涌站北側設湖涌停車場。
- 二期喺西安站側設西安停車場。
控制中心
[編輯]2號綫設置灣華控制中心一座，佢係佛山軌道交通行車指揮、電力監控、環境監控、防災監控同調度指揮嘅中心，亦係全綫嘅通信樞紐同信息交換處理中心。
控制中心大樓預留咗八條綫嘅控制中心設備用房同維護管理用房，重設置咗清分中心系統、票務管理用房、運營管理用房、運營人員培訓用房、部分軌道交通檔案庫同科普中心。
用車
[編輯]用車方面，首期採購B型列車150輛（25列），投資約100.5億，咨詢服務費約755.4萬。初、近、遠期都採用6節固定編組運營組織方案，最高運行速度係100km/h，牽引供電制式採用DC1500V架空接觸網。系統最大設計能力係30對/h。
歷史
[編輯]- 2014年6月27號，2號綫首期試驗性工點登州站開工。[1]
- 2014年11月7號，2號綫環評進行咗網上受理公示。[2]同年12月，環評報告全本喺網上進行公示。
- 2017年3月7號，首個區間單綫貫通，為花仙區間右綫。[3]
- 2021年12月28號，2號綫首期正式開通運營。[4]
建設方式
[編輯]2號綫由中國交建、市軌交發展公司同中車四方組成項目聯合體作為投資人，中交佛山投資有限公司作為投資人成立嘅項目公司，負責項目嘅籌劃、資金女措、建設實施、運營管理、保養維修，其中，中交集團出資佔56％，市軌交發展公司佔34％，中車四方佔10％。項目採用「BOT+TOD+EPC」嘅模式嚟建設運營（BOT即係建設–運營–移交嘅項目建設模式，TOD即係以公共交通為導向嘅土地綜合開發模式，EPC即係設計–採購–施工嘅工程總承包模式）。工程初步設計預審查認可嘅概算總額係192.3億，包埋同步實施BOT項目嘅概算投資係211億元。
地鐵項目BOT模式，就係政府通過契約去授予投資企業單位一定期限嘅特許經營權，准許佢去融資建設同經營地鐵項目，重准許佢通過向乘客收取車資等服務形式嚟償清貸款、回收投資同賺取利潤；特許經營權期限到咗之後，地鐵項目將會無償移交俾政府。
按照TOD嘅運作模式，政府會依法授權項目公司去負責軌道項目每個站場周邊800m範圍嘅指定區域入邊（簡稱TOD範圍）嘅土地進行一級開發（包括土地平整同基礎設施建設之類），政府重鼓勵項目公司依法參與TOD範圍入邊特定土地二級開發競爭，對依法取得嘅土地進行二級開發。
註
[編輯]- ↑ 2號綫動工
- ↑ 〈2號綫進行環評公示〉。原著喺2020年3月15號歸檔。喺2017年1月27號搵到。
- ↑ 〈佛山地鐵2號綫首個區間單綫貫通〉。原著喺2020年3月28號歸檔。喺2017年3月13號搵到。
- ↑ 〈佛山地铁2号线一期正式开通运营〉。epaper.fsonline.com.cn。原著喺2022-01-02歸檔。喺2022-01-02搵到。