Tâi-pak Chia̍t-ūn

Chit phiⁿ bûn-chiuⁿ m̄-sī teh kóng Tâi-pak Chia̍t-ūn Kong-si.

Tâi-pak Chia̍t-ūn
Ki-pún chu-sìn
Chāi-tē miâ	臺北捷運
Só͘-iú-chiá	Tâi-pak-chhī Chèng-hú
Só͘-chāi	Tâi-oân Tâi-pak-chhī, Sin-pak-chhī
Lō͘-sòaⁿ sò͘	5
Chhia-chām sò͘	117
Tiong-sim	Tâi-pak-chhī Tiong-san-khu
Bāng-chām	www.metro.taipei
Êng-ūn
Khai-sí êng-ūn	1996 nî 3 goe̍h 28 hō
Êng-ūn-chiá	Tâi-pak Chia̍t-ūn Kong-si
Ki-su̍t
Hē-thóng tn̂g-tō͘	136.9 km (85.1 mi)
Kúi-tō piau-chún	1,435 mm (4 ft 8+1⁄2 in) phiau-chún thih-ki-kui
Lō͘-sòaⁿ-tô͘

Tâi-pak To͘-hōe-khu Tāi-chiòng Chia̍t-ūn Hē-thóng (Hàn-jī: 臺北都會區大眾捷運系統), kán-chheng Tâi-pak Chia̍t-ūn (臺北捷運) kap Pak-chia̍t (北捷), sī Tâi-oân Tâi-pak to͘-hōe-khu ê tāi-chiòng chia̍t-ūn hē-thóng, sī choân Tâi-oân tē-it chō tâu-ji̍p êng-ūn kap kui-bô͘ siōng-tōa ê chia̍t-ūn hē-thóng. Pak-chia̍t ê chú-iàu kong-lêng sī kái-siān Tâi-pak kau-thong tn̂g-kî í-lâi ê that-chhia būn-tê, lēng-gōa koh ē-sái chhiok-chìn Tâi-pak chhī-tiong-sim kap chiu-piⁿ ê ōe-seng to͘-chhī ê hoân-êng hoat-tián. Pak-chia̍t ê êng-ūn kong-si sī Tâi-pak Chia̍t-ūn Kong-si, kang-têng heng-kiàn iû lēng-gōa ê Chia̍t-ūn Kang-têng-kio̍k lâi hū-chek. Ùi 1996 nî êng-ūn kàu-taⁿ, Pak-chia̍t bo̍k-chiân lóng-chóng ū 5-tiâu chú-iàu lō͘-soàⁿ, lēng-gōa iáu-ū 2-tiâu tan-chām chi-soàⁿ; lō͘-soàⁿ ê lí-têng 136.6 kong-lí, êng-ūn lí-têng 131.2 kong-lí, êng-ūn chhia-chām lóng-chóng 121-chām. Pa̍k-chia̍t ê ho̍k-bū hoān-ûi hâm-kài Tâi-pak-chhī, Sin-pak-chhī kap Thô-hn̂g-chhī, sī Tâi-pak to͘-hōe-khu ê kau-thong kut-kàn. Pak-chia̍t sī Kok-chè Tē-thih Liân-bêng ê sêng-oân.

Lō͘-soàⁿ

• Bûn-ô͘ Sòaⁿ (Chang-soaⁿ 棕線, 1 hō soàⁿ)
• Tām-chúi Sìn-gī Soàⁿ (Âng-soàⁿ 紅線, 2 hō soàⁿ)
• Siông-san Sin-tiàm Soàⁿ (Le̍k-soàⁿ 綠線, 3 hō soàⁿ)
• Tiong-hô Sin-lô͘ Soàⁿ (Kiat-soàⁿ 橘線, 4 hō soàⁿ)
• Pang-lâm Soàⁿ (Nâ-soàⁿ 藍線, 5 hō soàⁿ)

Goā-pō· liân-kiat

• Tâi-pâk khòai-chhia hē-thóng kong-si Archived 2014-10-28 at the Wayback Machine.