Slovene-gí

Slovene-gí ("Su-ló͘-bìn-gí") sī Slovenia ê koan-hong gí-giân.

Le̍k-sú

Kīn-sî

19 sè-kí Lô-mán bîn-cho̍k-chú-gī khí-heng ê sî-chūn, bûn-hòa ūn-tōng Illyria-chú-gī kap Thong-Slav-chú-gī (Pan-Slavism) sî-kiâⁿ tùi Serb-Croat-gí, te̍k-pia̍t sī Croatia kok khoán khiuⁿ-kháu, koh kiam Czech-gí chioh jī-sû, lâi thè-ōaⁿ khah-chá Tek-gí ê éng-hióng. Che tang-tiong ū Fran Levstik kap Josip Jurčič téng-téng chok-ka. Josip Jurčič tī 1866 nî siá liáu thâu chi̍t pún Slovene-gí ê siáu-soat. 19 sè-kí bóe, thâu chi̍t tāi ê hiān-tāi-phài Slovene chok-ka, chhin-chhiūⁿ Ivan Cankar, soah koh hi-bāng khoe-ho̍k koh khah tân-sûn ê giân-gí, bô ài hiah chē Serb-Croat-gí ê éng-hióng.^[1]

1920/30 nî-tāi Yugoslavia Ông-kok sî-kî, Serb-Croat ê éng-hhióng koh chè ka-kiông. Chóng-sī mā siū siàu-liân Slovene chok-ka ê hoán-khòng. 1945 nî āu, chin chē cha-chêng ū ēng ê Serb-Croat chioh-jī lóng hông pàng-sak.

1920 chì 1941 nî kan Yugoslavia Ông-kok ê koan-hong giân-gí hō chò "Serb-Croat-Slovene-gí". Si̍t-bū-siōng Slovene-gí sī ēng tī Slovenia, hâm kàu-io̍k kap hêng-chèng ki-koan. Chē-chē kok-ka ki-koan kan-ta ēng Serb-Croat-gí, hit tang-chūn tī Slovenia kong-chiòng tiûⁿ-ha̍p to̍h kiâⁿ siang-gí. Kâng sî-tāi tī Slovenia se-pō͘, Italia thóng-tī-chiá si̍t-si Italia-hòa ê chèng-chhek, chêng 1923 kàu 1943 nî kan, chia ê tē-hng lóng hông kìm-chí tī kong-chiōng tiûⁿ-ha̍p ēng Slovene-gí. Koh lēng-gōa tī Carinthia lâm-pō͘ kóng Slovene-gí ê tē-hng, mā ū Tek-gí-hòa ê chèng-chhek.

Tē-jī-chhù Sè-kài Tāi-chiàn liáu-āu, Slovenia pìⁿ Yugoslavia Siā-hōe-chú-gī Liân-pang Kiōng-hô-kok ê chi̍t hūn. Tong-sî Slovene-gí sī siat chò liân-pang koan-hong giân-gí chi it. Tû-liáu kun-tūi í-gōa, Slovenia ê kong-chiòng tiûⁿ-ha̍p ē-tàng thong Slovene-gí.

1991 nî, Slovenia to̍k-li̍p, siat Slovene-gí chò koan-hong giân-gí.

Chù-kái

↑ Trubar, Primož. "Slovenski Biografski Leksikon".

Chham-khó bûn-hiàn

Greenberg, Mark L. (2006), A Short Reference Grammar of Standard Slovene, Kansas: University of Kansas
Herrity, Peter (2000), Slovene: A Comprehensive Grammar, London: Routledge, ISBN 0415231485
Jurgec, Peter (2007), Schwa in Slovenian is Epenthetic, Berlin
Šolar, Jakob (1950), Slovenski pravopis (ēng Slovene-gí), Ljubljana: Državna založba Slovenije
Šuštaršič, Rastislav; Komar, Smiljana; Petek, Bojan (1999), "Slovene", Handbook of the International Phonetic Association: A guide to the use of the International Phonetic Alphabet, Cambridge: Cambridge University Press, pp. 135–139, doi:10.1017/S0025100300004874, ISBN 0-521-65236-7
Toporišič, Jože (2001), Slovenski pravopis, Ljubljana: SAZU