Sù-ho͘

Sù-ho͘ (四呼) sī Hàn-gí--ê ūn-bó hun-lūi, hun-chò khai-kháu-ho͘ (開口呼), chê-khí-ho͘ (齊齒呼), ha̍p-kháu-ho͘ (合口呼) kap choat-kháu-ho͘ (撮口呼):

• khai-kháu-ho͘ (開口呼), jī-bīn ì-sù sī "peh-khui chhùi thò͘-khì", chí bô ūn-thâu (韻頭, Hàn-gí ê tiong-kan im-chat) ê ūn-bó.
• chê-khí-ho͘ (齊齒呼), jī-bīn ì-sù sī "(chiong chhùi-chi̍h kap) chhùi-khí (ê ūi-tì) it-iūⁿ koân thò͘-khì", chí ūn-thâu sī /i/ ê ūn-bó.
• ha̍p-kháu-ho͘ (合口呼), jī-bīn ì-sù sī "chiong chhùi ha̍p--khí-lâi thò͘-khì", chí ūn-thâu sī /u/ ê ūn-bó.
• choat-kháu-ho͘ (撮口呼), jī-bīn ì-sù sī "îⁿ-hêng ê chhùi thò͘-khì", chí ūn-thâu sī /y/ ê ūn-bó.