Sè-soat Sin-gú

Sè-soat Sin-gú (世說新語) sī Tiong-kok Gūi Chìn Lâm-pak-tiâu sî-tāi ê pit-kì sió-soat ê tāi-piáu-chok. Lōe-iông tōa-pòaⁿ kì-chài Tong Hàn kàu Tong Chìn ko-sū bêng-liû ê giân-hêng hong-māu kap chhù-bī tāi-chì, iû Lâu Sòng Lâu Gī-khèng tiàu-chi̍p mn̂g-hā si̍t-kheh kiōng-tông pian-choān. Kui-ê pun chò siōng, tiong, hā 3 kǹg, chiàu lōe-iông pun chò: tek-hêng (德行), giân-gú (言語), chèng-sū (政事), bûn-ha̍k (文學), hong-chèng (方正), ngá-liōng (雅量), sek-kàm (識鑑) téng-téng, chóng-kiōng 36 lūi, múi chi̍t lūi siu-lo̍k kúi-nā phiⁿ, kui-ê chóng-kiōng 1133 phiⁿ, bûn-jī ū tn̂g ū té.