LaMDA

LaMDA (Eng-gí: Language Model for Dialogue Applications) sī Google só͘ khai-hoat ê chi̍t hē-lia̍t tùi-ōe sîn-keng gí-giân bô͘-hêng. Tē-it tāi bô͘-hêng tī 2021 nî ê Google I/O nî-hōe hoat-piáu, ah tē-jī tāi bô͘-hêng kāng-khoán tī keh-nî ê I/O nî-hōe kong-khai. 2022 nî 6 goe̍h, Google kang-têng-su Blake Lemoine soan-chheng LaMDA í-keng chûn-chāi kám-ti lêng-le̍k kap chū-ngó͘ ì-sek, tì-sú chit-ê bô͘-cho͘ tit-tio̍h kóng-hoàn koan-chù, kho-ha̍k-kài tī chin tōa thêng-tō͘ siōng hóⁿ-tēng Lemoine ê kóng-hoat, koh tī kāng sî-kan ín-khí tùi Turing chhì-giām hāu-le̍k ê thó-lūn. 2023 nî 2 goe̍h, Google hoat-piáu ki-î LaMDA kè-kò͘ ê tùi-ōe-sek jîn-kang tì-hūi ke-khì-lâng Bard lâi in-èng OpenAI khai-hoat ê ChatGPT.