Afrikaonse sukerveugels
| Afrikaânse suukerveugels | ||||||||
|---|---|---|---|---|---|---|---|---|
 Kaâpse suukerveugel | ||||||||
| Taxonomische indeêlienge | ||||||||
| ||||||||
| Femielje | ||||||||
| Promeropidae (Brisson, 1760) | ||||||||
Afrikaânse suukerveugels maek'n deêl uut van de zangveugels. Ze komm'n allin voe in 't zuuden van Afrika. Ze eet'n vurral nectar mè ok we insecten, die an ze in de lucht vliehend vang'n of van de blèrn plukk'n. Ze zien saemen mie de femielje Chaetopidae, de rotsspriengers, heheêl hebon'n an zuudelijk Afrika.
Suukerveugels zien vrie hroôt, wat a kom vanwehe der lange staert. Bie 't ventje kan de staert tot wè twiderde van zen lichaemshewicht beslaene. Ze èn een brunig veêr'nkleêd en een lange snaevel voe 't eetn van de nectar zodan ze varre in de bloemen kunn'n komme. Der tonge mie een kwastvurmihe punt verhemakkelijk 't eetn van de nectar nog meêr.
Suukerveugels leven in struukhewas en veln mie rooibos. De protea, een dominante plante in 't rooibos, verstrekt de suukerveugels nectar, biedt een schuulplekke en lever nestmateriaol. Suukerveugels bouw'n een komvurmig nest van twiehen en ar plantaârdig materiaâl in de vurke van een takke, ierin worn twi eiers eleid.
Oewel an ze meêr op honiengzuugers lieken, zien ze toch meêr verwant mie de honiengeters.
Indeêlieng
[bewerk | brontekst bewerken]Der zien slechs twi soôrten Afrikaânse suukerveugels, naemelijk:
- Kaâpse suukerveugel (Promerops cafer)
- Gurney's suukerveugel (Promerops gurneyi)