'Oenachtigen

Oenachtegen
Helmpoelepetâne
Taxonomische indeêlienge
Riek: Beêsten (Animalia) Stamme: Chordabeêsten (Chordata) Klasse: Veugels (Aves)
Orde
Galliformes (Temminck, 1820)

Fazante

Oenachtegen (Latien Galliformes) bin 'n orde uut de klasse veugels. D'r bin 'n hoeie 250 soôrten, meêstentieds klein toet middelgroôt. Over 't algemeên bin 't lompe veugels mee 't dik lief, middellange poôten en kleine vleugels. Ze kunne dikkels nie vreêd goed vliehe. Sommege soorten bin hoslandbeweuners, mae vee soorten bin tuus in 't bos, dikkels ok 't oerwoud.

De oenderachtegen bin nauw verwant an de Waeterveugels, daermee ze in 't vroege Kriet nog eên orde gevrumd è: de Galloanserae.

Taxonomie

Recent DNA-onderzoek ei de biologie vò problemen gesteld mie de classificaotie. Vee soôrten bleke toch aore verwantschappen te èn as gedocht.

• Orde 'Oenachtigen (Galliformes)
  • Femielje Hokko'oenders (Cracidae)
  • Femielje Hrôotpoôt'oenders (Megapodiidae)
  • Femielje Kalkoenen (Meleagrididae)
  • Femielje Stelterallen (Mesitornithidae)
  • Femielje Poelepetaoten (Numididae)
  • Femielje Kwartels van de Nieuwe Wereld (Odontophoridae)
  • Femielje Fazantachtegen (Phasianidae)
  • Femielje Kor'oenders (Tetraonidae)

Vroeger wiere ok de femieljes Opisthocomidae (mee eên soorte: stienkveugel) en Vechtkwartels (Turnicidae) bie de oenders gerekend. De eêste femielje zurgt nog altoos vò classificaotieproblemen, de tweêde noe noe ondergebrocht bie de steltloôperachtegen.

Kiek vò taxonomische informaotie over dit onderwerp op de bladzie Galliformes van Wikispecies.