ჩუკოტკაშ ავტონომიური ოკრუგი

ჩუკოტკაშ ავტონომიური ოკრუგი (ჩუკ. Чукоткакэн автономныкэн округ) — რუსეთიშ ფედერაციაშ სუბიექტი, მიშმურს შორი ბჟაეიოლიშ ფედერალური ოკრუგიშ აკოდგინალუაშა.

ოკრუგის უხურგანს რესპუბლიკა სახას (იაკუტია), მაგადანიშ ოლქის დო კამჩატკაშ აკანს.

ადმინისტრაციული ცენტრი - ნ. ანადირი.

გეოგრაფიული ორენი

ჩუკოტკაშ ავტონომიური ოკრუგი იდვალუაფუ რუსეთიშ უკიდაშ ოორუე-ბჟაეიოლ ნორთის. უკებჷ ჩუკოტკაშ ჩქონი, კონტინენტიშ გოხოლუას მადვალუ ნორთი დო კოკეფი: ვრანგელიშ, აიონი, რატმანოვიშ დო შხვა.

ომძღჷ ოორუე ჸინუამი ოკიანეშ ბჟაეიოლი ცჷნდჷრიშ, ჩუკოტკაშ ზუღეფი დო რჩქალი ოკიანეშ ბერინგიშ ზუღა.

ეთნიკური აკოდგინალუა

2010 წანაშ ეჭარუაშ მეჯინათ, ოკრუგის გეჸვეჯი ეთნიკური აკოდგინალუა რდჷ:

• რუსეფი 52.5%
• ჩუქჩეფი 26.7%
• უკრაინალეფი 6%
• იურიკეფი 3.2%
• ევენცეფი 2.9%
• ჩუვანცეფი 1.9%
• ბელარუსეფი 0.96%
• იუკაღირეფი 0.4%
• შხვა ეთნიკური ბუნეფიშ წჷმმარინაფალეფიშ მუდანობა 100-შახ ანჭუ.

ლიტერატურა

• ქორთული სხუნუეფიშ ენციკლოპედია, ტ. 11, ხს. 169, ქართი, 1987 წანა.

ვიკიოწკარუეს^? რე ხასჷლა თემაშენ:

ჩუკოტკაშ ავტონომიური ოკრუგი