اداکار حمزہ علی عباسی کی کتاب کی تقریب رونمائی کا انعقاد

لاہور (اُردو پوائنٹ اخبارتازہ ترین - اے پی پی۔ 05 جنوری2025ء) لاہور کے ایک نجی ہوٹل میں پاکستان کے مشہور ٹی وی اور فلم کے اداکار حمزہ علی عباسی کی کتاب DISCOVERY OF GOD ISLAM &JUDGEMEMT DAY کی تقریب رونمائی منعقد کی گئی۔ کتاب کے مصنف حمزہ علی عباسی نے اپنی زندگی کے مشاہدات اور تجربات کو اس کتاب میں تفصیلی طور پر تحریر کیا ہے۔ تقریب میں ملک بھر سے مشہور سماجی اور کتاب پڑھنے کے شوقین افراد نے بھر پور شرکت کی۔

(جاری ہے)

اس موقع پر نعیم بخاری، حسن نثار، جواد احمد غامدی اور دیگر مہمانوں نے حمزہ علی عباسی کی کتاب کے اہم پہلوئوں پر روشنی ڈالی اور ان کی اس کاوش کو خوب سراہا۔ تقریب سے بات کرتے ہوئے ڈی آئی جی محبوب اسلم للہ نے کتاب پڑھنے کی اہمیت کو اجاگر کیا اور کہا کہ ہمیں اپنی مصروفیات میں سے وقت نکال کر کچھ وقت کتابوں کو پڑھنے میں ضرور صرف کرنا چاہئے۔ پاکستان سے پہلے کتاب کو امریکہ اور دیگر ممالک میں بھی لانچ کیا گیا ہے اور بھر پور پذیرائی ملنے کی وجہ سے ایمزون بک سٹور فلاسفی کیٹگری میں پہلے نمبر پر ہے۔کتاب کی رونمائی کی تقریب المرا فائونڈیشن اور المورد کے اشتراک سے کی گئی جس پر شرکا نے چیئرپرسن المرا فائونڈیشن صوفیہ وڑائچ اور المورد کی انتظامیہ کا شکریہ ادا کیا۔