جمہوریت پر آج سرمایہ داروں، وڈیروں اور جاگیرداروں کا قبضہ ہے،محمدحسین محنتی

کراچی (اُردو پوائنٹ اخبارتازہ ترین - این این آئی۔ 01 فروری2024ء) امیرجماعت اسلامی سندھ وسابق ایم این اے محمد حسین محنتی کا سکھرکاطوفانی دورہ ،نامزدامیدوران قومی وصوبائی اسمبلی مولانا حزب اللہ جکھرو زبیر حفیظ شیخ کے ہمراہ میمن کمیونٹی،چیئرمین ا سمال ٹریڈرزحاجی محمد جاوید میمن سمیت دیگر تاجررہنمائوں،مارکیٹوں بازاروں کا بھی دورہ کیا اور تاجروں دکانداروں سے ملاقاتیں کرکے انہیں عدل وانصاف کے نشان ترازو کو ووٹ دینے کی اپیل کی جنہوں اپنے بھرپورتعاون کا یقین دلایا۔

صوبائی امیرنے کارنراجلاس تاجروں سے خطاب اورمیڈیاسے بات چیت کرتے ہوئے کہاکہ جمہوریت پر آج سرمایہ داروں، وڈیروں اور جاگیرداروں کا قبضہ ہے، آپکو پڑھے لکھے باصلاحیت لوگ آگے آتے ہوئے اس لیے ان انتخابات میں نظر نہیں آرہے کیوں آج انتخابات روپے اور پیسے کی نمائش بن گئے ہیں۔

(جاری ہے)

جماعت اسلامی ایک انقلابی جماعت ہے، جماعت اسلامی نبی کریم صلی اللہ علیہ وآلہ وسلم کے مشن کو لیکر چلنے والی جماعت ہے، یہ جماعت عوام کی جماعت ہے، جماعت اسلامی اس بات کی اہلیت رکھتی ہے کہ اگر ہمیں حکومت دی جائے تو ہم ملک کو بہترین انداز سے چلا سکتے ہیں، اپنے دیکھا ہے کراچی سے خیبر پختونخواہ تک جہاں جہاں ہمیں موقع ملا ہم نے بہترین کارکردگی کا مظاہرہ کیا اس لیے آج بھی لوگ عبدالستار افغانی نعمت اللہ خان اورسراج الحق کے کام وکردار کی مثالیں دیتے ہیں۔

آج ہماری ملک کروڑوں عربوں ڈالر کا مقروض ہے، تاریخ گواہ ہے جب امیر جماعت اسلامی سراج الحق کو خیبرپختونخوا کا وزیر خزانہ بنایا گیا تو انہوں 2 سالوں میں صوبے کو قرضے سے نجات دلائی انہوں نے عوام پر ٹیکسز نہ لگائے بلکے اخراجات کم کیئے، انہوں مزید کہا کہ پیپلز پارٹی نے الیکشن کمیشن کے ساتھ ملکر سکھر شہر کے ووٹ کو تقسیم کیا انکو اپنی کارکردگی کا اندازہ پہلے ہی لگ چکا تھا اس لیے سکھر شہر کے مینڈیٹ کو ہی بیچ سے کاٹ دیا، عوام اس چیز سے آگاہ نہیں ایسا کرنے سے انکے شہر کو کتنا نقصان ہوگا لیکن جماعت اسلامی شہر کو تباہ کرنے کی انکی سازش کو جانتی ہے اس لیے امیر جماعت اسلامی سکھر زبیر حفیظ شیخ نے اسلام آباد جاکر شہر کا مقدمہ چیف الیکشن کمشنر کے سامنے لڑے، انہوں نے کہا کہ نااہل حکمرانوں کی بدولت آج سکھر کھنڈرات کا منظر پیش کررہا ہے ، شہر سکھر کی سڑکیں توڑ کر ناقص میٹیریل سے مرمت کررہے ہیں تو ایک مرمت شدہ سڑکیں دوبارہ کھود کر تعمیرات شروع کررہے ہیں عوام باشعور ہو چکی ہے اب تبدیلی کی مانگ بڑھ گئی ہے سکھر میں یہ نالائق ٹولا ہے جس نے شہر کو کھنڈرات میں تبدیل کر دیا ہے، انہوں نے شہر کا حلیہ بگاڑ دیا ہے اب اوچھے ہتھکنڈوں سے باز نہیں آرہے، اب لوگ تبدیلی چاہتے ہیں ان سے لوگ بیزار ہوگئے ہیں، انکا مزید کہنا تھا کہ ہم سکھر میں ایک اور سول اسپتال قائم کریں گے عوام کو صاف پانی فرائم کریں گے، کروڑوں روپے بجٹ ہے سکھر کا مگر اسپتال میں دوائی تک میسر نہیں، ہم سکھر کے بنیادی مسائل حل کریں گے بنیادی سہولتیں دیں گیے۔

صوبائی امیرنے عوام سے اپیل کی کہ وہ اپنے ووٹ کا حق دیانتداری سے استعمال کریں، جن پر نیب میں کرپشن کے کیس ہیں ایسے لوگوں کو ووٹ دینے سے گریز کریں 8 فروری کو اپنے ووٹ کی طاقت کو صحیح استعمال کریں۔انہوں نے کہا کہ ، سندھ دھرتی ثقافتوں کی امین ہے، سندھ کی تہذیب وتمدن کی تاریخ ہزاروں سال پرمحیط ہے، پیپلزپارٹی نے ملک میں کرپشن کا رواج دیا، جماعت خدمت کا نام ہے ہم کرپشن فری پاکستان چاہتے ہیں، آنے والے الیکشن میں ترازو بڑے پیمانے پر جیتے گا۔اس موقع پر پی ایس 24 اور 25 کے امیدوار زبیر حفیظ شیخ ، این 200 کے امیدوار علامہ حزب اللہ جکھرو ،پریم یونین کے مرکزی رہنما خیرمحمد تنیوودیگر مقامی ذمے دارن بھی انکے ہمرا ہ موجود تھے۔