Urdu Columns by Sabookh Syed

سبوخ سید گذشتہ دس برسوں سے جیو ٹیلی ویژن سے منسلک ہیں ۔اس کے علاوہ آپ دی نیوز انٹرنیشنل اور روزنامہ جنگ کے لیے خصوصی رپورٹس اور کالم لکھتے رہتے ہیں ۔اردو پوائنٹ پر آپ کے کالم ”آیات بینات “کے عنوان سے مستقل شائع ہو تے ہیں ۔اس کے علاوہ کئی عالمی اخبارات اور جرائد میں بھی آپ کے مضامین شائع ہوتے ہیں ۔ مذہب ،ثقافت ،سیاست اور سیاحت کے موضوعات علاوہ دہشت گردی اور مذہبی جماعتیں آپ کی دلچسبی کے خصوصی میدان ہیں ۔ آپ نے پشاور یونی ورسٹی سے صحافت ،بین الاقوامی تعلقات ،اسلامیات اور عربی میں ماسٹر کیا ۔2004میں شیخ زید اسلامک یونی ورسٹی جامعہ پشاور سے بی اے آنرز کیا ۔آپ شیخ زید اسلامک سنٹر کے مجلے” ایکٹا “کے تین سال تک جبکہ جامعہ پشاور کے مجلے” مشعل “کے مدیر بھی رہے ۔ پشاور یونی ورسٹی کے شعبہ صحافت میں قائم کیمپس ریڈیو کی ٹیم کے بنیادی رکن رہے ۔ ریڈیو پاکستان پشاور سے یونی ورسٹی میگزین پروگرام بھی کر تے رہے ۔اس وقت بھی ریڈیوپاکستان کے نیوز اینڈ کرنٹ افیئر چینل سے منگل ،بدھ ،جمعرات اور جمعہ کو صبح نو بجے پروگرام نیا دن میں حالات اور واقعات پر اپنا تجزیہ اور تبصرہ پیش کر تے ہیں ۔ آپ نے صحافتی حوالے سے لیبیا ،مصر ، سعودی عرب ، دبئی ،اریٹریا ،جبوتی ،جرمنی ،بلجیم کے سفر کیے اور کئی شخصیات سے انٹرویوز بھی کیے ۔اس کے علاوہ گذشتہ بارہ برسوں سے پاکستانی صحافت میں بھرپور متحرک ہیں ۔