西湖醋魚

西湖醋魚又謳活殺醋溜魚，是杭州西湖一带个著名菜肴。以楼外楼菜館頂頂有名。

主料是新鲜个西湖鲤鱼、草鱼或鳜鱼。沿背脊頭剖开來成相连个两片。以鮮湯煠约3分钟後捞出來，加酱油、料酒、姜末、糖烧入味，装盘。然后用煠魚个湯做甜酸芡淋在鱼丄而成。而樓外樓燒个西湖醋魚嚜衹用糖交醋以獨有秘方調味。

来历傳說

一称“叔嫂传珍”。传说南宋辰光有宋氏兄弟两家頭，隐居打鱼为生。当地恶霸为霸占宋嫂，害死爻宋兄，并且逼弟弟远走他乡逃难。临走时宋嫂为小叔用糖、醋烧仔鱼一碗。后来弟弟在外建得功名，回乡惩治爻恶霸。后来外出赴宴，席间看见昰道菜，得知宋嫂在箇𡍲当厨娘，乃末与之团聚。

评价

为咾迎合客人个口味变化，楼外楼等饭店多次改换西湖醋鱼个原料，省去饿鱼个步骤，从一开始个草鱼变成鳜鱼，2023年再调成特殊品种草鱼——开化清水鱼来降低鱼腥，莼菜也调成莼菜芽哉，必过还是畀弗少游客肏铲难吃，是食客评价顶有争议个一道菜。