江户幕府
江户幕府（日文：江戸幕府／えどばくふ）也叫作德川幕府，是日本历史浪第三个，也是挨末一个幕府政权。因为创立人德川家康个大本营搭将军个居所立在东海道武藏国丰岛郡江戶鄉前島村江户城（乃朝个东京），所以叫做迭个名称。迭个幕府个统治辰光，从1603年德川家康获得日本天皇授予个征夷大将军开始，一直持续到1868年末代将军德川庆喜立在畿内山城国（京都市）二条城个大政奉还。
等级
[编辑]江户幕府是一个典型个封建社会体系，通过顶早三代将军个发展，拿本身下克上流行个日本战国时代个一些特性改造，形成将军，亲藩，谱代，外祥作为排列个上层武士集团权力分配。个当中，将军作为统治者，拥全日本四分之一领土个控制权力，亲藩是德川家康个旁系子孙后代，统治纪州、尾张、越前、水户等要地。谱代是德川家康亲信个封地，协助自家人把守要道。也有一些立在关原大战之前投靠老乌龟个人，也获得得个身份，比方讲土佐藩第一代藩主山内一丰。外祥是老早弗听从德川氏个贵族，一般畀严密监视，这些外祥大名个嫡子必须蹲在江户当人质，外祥大名每两年就要去江户担当公职为将军做事体，即便朆有啥事体好做，也要去向将军汇报工作。
各大大名下头也有低级贵族个等级制度，一般这些武士根据自家搭家主个血缘关系、历史继承，划分成复杂个结构，各个阶层之间个流动性相比高等贵族还是强一眼，弗过也有弗少地方个士族内部关系邪气紧张，比方讲坂本龙马出身个土佐藩。讲到底，能够得到大名欣赏并拿到足够俸禄个武士是少部分人，大部分武士生活朆比一般城市老百姓强多少。伊拉通过武士道、上私塾，获得大名系统个小职务，获得自家个地位并搭平民区别开来。
天皇地位
[编辑]江户辰光，天皇是嘸实际权力个，此外，伊拉立在名义浪个权威也畀剥夺蛮多，江户时代开始辰光，老乌龟就发布御中诸法度，对京都个朝廷进行干涉，并剥夺伊拉蛮多自家残留个权力（比方讲后水尾天皇个紫衣售）。到三代将军德川家光辰光，幕府更公开强迫天皇娶德川家族个女性，并安插亲信到京都，监控天皇。这能，导致天皇搭日本公卿这些旧贵族势力彻底边缘化。天皇个俸禄还要靠将军发放，石高只有5万到顶，相当于一个小大名。
弗过，到江户时代中期之后，天皇个地位立在武士当中得到倒转。迭段辰光，东亚大陆流行个程朱理学传播到日本（号称朱子学），提倡华夷之辨搭尊王攘夷，这些思路，成为江户时代武士学习当中个流行内容。朱舜水个学生水户黄门编撰个《大日本史》就是拿天皇作为正统，历朝历代个武士将军作为反乱人物进行评论个。个能，到19世纪黑船来袭之前，天皇虽然手浪还是嘸实际权力，弗过立在口碑层面，已经形成对江户幕府个隐形压力，箇也导致江户幕府立在幕末对天皇个妥协搭退让。