弄堂

弄堂（衖堂，上海闲话拼音：lon daon），是上海成片居民区街道组成个社区，有辰光也畀叫做“里堂”。搿是上海个一种特色文化，比较像是北京个“胡同”咾啥个物事。19世纪下半叶到20世纪上半叶，上海个居民房大多侪采用巷弄式个“里弄”，搿种房子包括排屋形式个石库门，也有成排个独栋房子或者公寓楼，成排个就畀叫做“弄堂”。弄堂建造辰光一般性侪有自家“XX弄”、“XX里”、“XX坊”、“XX村”或者“XX新村”个名字，作为个社区个名字。 老底子末，大多数上海人垃弄堂里向生活，搿末也诞生了特殊个生活文化，是海派文化个重要组成部分。乃末上海城市改造建设，弄堂帮弄堂文化就垃海减少当中。

行政

由于上海城区个建筑过去主要是弄堂，所以“弄”也成为了上海地址当中个标准术语，垃身份证高头也好看到，伊拉大多侪有“XX路123弄”形式个地址，“弄”好再分为“号”、“室”等等。